Almatyda jappai tártipsizdik uiymdastyrdy degen kúdikpen ustalǵan Arman Jumageldievpen advokaty kezdesti, - dep habarlaidy Sputnik Qazaqstan.
Kezdesý Almaty UQKD tergeý izoliatorynda ótti, ol jaqqa ony 2 aqpanǵa qaraǵan túni aýystyrǵan.
Advokat Talǵat Safarov Arman Jumageldievtiń "adam tózgisiz jaǵdaida" otyrǵanyn jetkizdi.
"UQKD tergeý izoliatoryna túsken Arman Jumageldiev iske qatysy joqtyǵyn dáleldeý úshin shynaiy aiǵaqtar keltire bastaǵannan keiin ony adam tózgisiz jaǵdaida ustap otyr", - dedi "Dikii Armannyń" advokattarynyń biri Viktor Krivonosov.
Onyń aitýynsha, kúdikti otyrǵan jaǵdaidy "azaptaýǵa teńestirýge bolady".
"Almaty politsiiasyndaǵy izoliatorǵa qatysty eshqandai kinárat artpaimyz: Jumageldiev aýyryp, dári qabyldady – midyń shaiqalýy diagnozy qoiylǵan. UQKD izoliatoryna jetkizilgennen keiin ol kartser túrindegi kameraǵa ornalastyryldy, ol jerde kiimmen uiyqtaýǵa májbúr boldy. Salqyn tigizdi. Kamera ishi tar. Bul qandai da bir quqyq buzýshylyq jasaǵandardy otyrǵyzatyn kamera", - dedi Krivonosov.
Advokattar áriptesiniń Jumageldievti qalypty kameraǵa aýystyrý týraly izoliator bastyǵyna ótinishpen habarlasqanyn jetkizdi.
"Ol kýálik etýge kelisti. Sodan keiin ol birden UQKD izoliatoryna jetkizildi", - dedi Krivonosov. "Adamdy sýyq kameraǵa ornalastyrýǵa ne sebep boldy? Kýálik etpeýi úshin jasalyp jatyr ma? Bul tikelei áser etý. Buǵan jol berýge bolmaidy dep sanaimyz", - dedi Krivonosov.
Advokattar Jumageldievti politsiia tergeý izoliatorynan UQKD tergeý izoliatoryna nege kóshirgenin bilmeidi. Olar Dikii Armannyń bastapqydy bir adamdyq kamerada otyrǵanyn, oǵan qatysty eshqandai aryzy bolmaǵanyn aitty.
"Adamdy osyndai jaǵdaiǵa aýystyrý ol kýálik etetin bolsa, jaǵdaiy nasharlai beredi degendi bildire me?", deidi olar.
Advokattar Jumageldievtiń ózine qol jumsaý týraly oiy joq ekenin, "óz quqyǵyn barlyq zańdy jolmen qorǵaitynyn" jetkizdi.
Eske salsaq, 7 qańtarda "Dikii Arman" bastaǵan alty adam Almaty politsiia departamentiniń arnaiy operatsiiasy barysynda ustaldy. Kúdiktilerden markasy men kalibri ártúrli tórt jartylai avtomat tapansha, oq-dári, sýyq qarý men brondalǵan avtokólik tárkilendi.
Quqyq qoorǵaýshylardyń málimetinshe, ustaý kezinde kúdiktiler qarsylyq kórsetken.
Onyń advokaty Evgenii Iavorskii óz klientine qatysty Qazaqstan Bas prokýratýrasynyń basshylyǵymen vedomstvoaralyq tergeý-jedel toby Qazaqstan Qylmystyq kodeksiniń 272-babynyń birinshi bóligi boiynsha 2022 jyldyń 1-10 qańtary aralyǵynda Qazaqstan Respýblikasynyń aýmaǵynda bolǵan jappai tártipsizdikterdi uiymdastyrý faktisi boiynsha sotqa deiingi tergeý júrgizip jatqanyn habarlady.
Sot sheshimimen ol tergeý kezinde eki ai merzimge qamaýǵa alyndy.
