Kollaj: Golos naroda
Joǵarǵy Sot Qylmystyq ister jónindegi sot alqasynyń tóraǵasy Nazgúl Rahmetýllina Parlament palatalarynyń birlesken otyrysynan keiin BAQ ókilderine bergen suhbatynda Qańtar oqiǵasyna bailanysty aiyptalǵan "Dikii Arman" men Qairat Qudaibergenovtiń isi nege uzaqqa sozylyp jatqany týraly pikir bildirdi, dep habarlaidy "Ult aqparat" Kazinform-ǵa silteme jasap.
"Dikii Arman" men Q.Qudaibergenovtiń isi nege tym uzaq júrip jatyr? Qańtar tóńkerisiniń uiymdastyrýshylary retinde K.Másimovti, UQK basshylyǵyn sottap, S.Ábishevke shartty merzim kesti ǵoi. Al, «Dikii Arman» men Q.Qudaibergenniń isi áli bitpei jatyr", - dep surady jýrnalist.
Nazgúl Rahmetýlinanyń paiymdaýynsha, másele istiń kúrdeli bolýyna bailanysty aiaqtalmai jatyr.
"Men ol ispen tanys emespin jáne oǵan qol jetkize almaimyn. Óitkeni is basqa instantsiiada qaralyp jatyr. Sot óndirisindegi isterdiń bári, alǵashqy ne apelliatsiialyq instantsiiadaǵy is bolsa da, ne bolyp jatqany týraly bizge esep bermeidi. Ár instantsiia óz qyzmetin absoliýtti táýelsiz júrgizedi. Meniń bilýimshe, iá, isiz aityp otyrǵan istiń óndirisi áli aiaqtalmaǵan. Aiaqtalǵan sátte, árine, aqparat bolady. Iaǵni, sot tergeý júrip jatyr degen sóz. Keibir ister bir epizodtan ǵana turady. Bir ǵana jábirlenýshi men jalǵyz kýáger bolsa, birneshe otyrystan keiin isti aiaqtaýǵa bolady. Al, keibir isterde 50 sottalýshy, 250 jábirlenýshi bolady. Qylmystyq istiń materialy orasan bolsa, sot onyń bárin tolyqtai zertteýge mindetti. Sondyqtan men bul istiń naqty qashan aiaqtalatynyn aita almaimyn", - dedi Joǵarǵy sot ókili.
