Dihan Qamzabekuly «Egemen Qazaqstan» RG» JShS Bas direktory laýazymyna taǵaiyndaldy, dep habarlaidy "Ult aqparat" Egemen.kz saityna silteme jasap.
Jańa basshyny ujymǵa Aqparat jáne qoǵamdyq damý ministri Darhan Qydyráli tanystyrdy. Ol Dihan Qamzabekulyna júktelgen laýazymnyń jaýapty qyzmet ekenin aita otyryp, sáttilik tiledi.
Dihan Qamzabekuly 1966 jyly 19 maýsymda Ońtústik Qazaqstan oblysy Túlkibas aýdanynda dúniege kelgen. Abai atyndaǵy Qazaq memlekettik pedagogika institýtyn qazirgi Abai atyndaǵy Qazaq ulttyq pedagogika ýniversitetin támamdaǵan.
Filologiia ǵylymdarynyń doktory, professor, memlekettik «Daryn» Jastar syilyǵynyń, Qazaqstan Respýblikasy Jýrnalister odaǵynyń Sultanbek Qojanuly atyndaǵy syilyǵynyń, Qazaqstan Respýblikasy Prezidenti stipendiiasynyń iegeri, QR UǴA korrespondent-múshesi.
1990-1996 jyldary Qazaqstan Respýblikasy Ulttyq Ǵylym akademiiasy Muhtar Áýezov atyndaǵy Ádebiet jáne óner institýtynyń ǵylymi qyzmetkeri bolyp eńbek jolyn bastady.
1996-2000 jyldary L.N.Gýmilev atyndaǵy Eýraziia ýniversiteti Qazaq ádebieti kafedrasynyń meńgerýshisi, 2000-2001 jyldary L.N.Gýmilev atyndaǵy Eýraziia ýniversitetiniń aǵa ǵylymi qyzmetkeri, 2001-2004 jyldary Qazaq ulttyq Mýzyka akademiiasy Til jáne ádebiet kafedrasynyń meńgerýshisi, 2004-2005 jyldary L.N.Gýmilev atyndaǵy Eýraziia ulttyq ýniversiteti Gýmanitarlyq institýtynyń direktory qyzmetterin atqarǵan. 2005 jyldan bastap L.N.Gýmilev atyndaǵy ulttyq Eýraziia ýniversitetiniń oqý-ádistemelik jumys jónindegi prorektory, ýniversitet janyndaǵy «Alash» mádeniet jáne rýhani damý institýtynyń direktory bolyp qyzmet etken.
Sonymen qatar Qambar Ahmetov «Egemen Qazaqstan» RG» JShS Bas direktorynyń orynbasary boldy.
Eske sala ketsek, respýblikalyq gazettiń burynǵy basshysy Darhan Qydyráli Aqparat jáne qoǵamdyq damý ministri qyzmetine taǵaiyndalǵan edi.
