Biylǵy egistik jumystary úshin diqandarǵa 380 myń tonna dizel otyny qajet. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy "Ult aqparat".
«2021 jylǵy kóktemgi egis jumystaryn júrgizý maqsatynda Energetika ministrligi Aýyl sharýashylyǵy ministrligimen birlesip, «2021 jylǵy dala jumystaryna dizel otynyn jetkizý boiynsha oblystardy munai óńdeý zaýyttaryna bekitý kestesin» ázirledi. Osy keste aýqymynda aýyl sharýashylyǵy taýaryn óndirýshilerge arnalǵan qajettilik 380 myń tonna kóleminde bekitildi. Osy jylǵy 29 naýryzdaǵy jaǵdai boiynsha atalǵan kesteni iske asyrý barysy tómendegidei: aqpan aiynda josparlanǵan 16,6 myń tonnanyń 14,8 myń tonnasy, iaǵni 90 paiyzy; naýryz aiynda josparlanǵan 115,7 myń tonnanyń 50,3 myń tonnasy, iaǵni 43 paiyzy tiep-jóneltildi. Sonymen qatar keste boiynsha sáýir aiynda 107 myń tonna, mamyr aiynda 125,4 myń tonna jáne maýsym aiynda 15 myń tonna tiep-jóneltý josparlanǵan», - dedi ol.
Ministrdiń atap ótýinshe, dizel otynyn tiep-jóneltý tólemge sáikes júrgizilip jatyr.
«2021 jylǵy kóktemgi egis jumystaryna arnalǵan dizel otynynyń baǵasy Pavlodar munai-himiia zaýyty men Shymkent munai óńdeý zaýytynda 1 tonnasy úshin 174 myń teńge, al Atyraý munai óńdeý zaýytynda 1 tonnasy úshin 172 myń teńge turady», - dedi Nurlan Noǵaev.
Onyń aitýynsha, aýyl sharýashylyǵy qajettiligine arnalǵan dizel otynynyń quny janar-jaǵarmai naryǵyna qatysýshylarmen kelisý boiynsha anyqtalady jáne ony munai ónimderiniń resýrs ieleri óz erkimen belgileidi.
«Ministrliktiń baǵalaýy boiynsha aýyl sharýashylyǵy taýaryn óndirýshiler úshin dizel otynynyń baǵasy avtojanarmai quiý stantsiiasynyń bólshek saýda baǵasynan litrine 15-20 teńgege tómen kútilýde», - dedi ministr.
