Bostonda bolǵan terrorlyq aktini tergeý kezinde sotty bolǵan qazaqstandyq Dias Qadyrbaev AQSh-tan Qazaqstanǵa deportatsiialanady. Bul týraly «QazAqparat» agenttigi The Boston Globe saityna silteme jasap habarlaidy.
24 jastaǵy Dias Qadyrbaev Amerika politsiiasynyń tergeýine kedergi keltirgeni úshin sottalǵan edi. Atap aitqanda, Qadyrbaev pen onyń dosy Azamat Tajaiaqov aǵaiyndy Tsarnaevtardyń pirotehnika salynǵan arqa qorjyny men noýtbýgyn joiyp jibergen bolatyn.
Atap ótilgendei, sársenbi, 29 tamyz kúni D.Qadyrbaev AQSh-tyń federaldyq túrmesinen bosatylly. Bul aqparatty osy eldiń Immigratsiialyq jáne kedendik politsiiasynyń resmi ókili rastady.
«Qadyrbaev myrza AQSh-tan Qazaqstanǵa deportatsiiany kútip, AQSh-tyń Immigratsiialyq jáne kedendik politsiiasynyń qamaýynda qalady», - dep málim etti politsiianyń baspasóz hatshysy Djon Mohan.
Eske salaiyq, D.Qadyrbaev 2015 jyly Amerika túrmesinde 6 jylǵa jazasyn óteýge sottalǵan bolatyn. Ol 2013 jyly Bostonda aǵaiyndy Tsarnaevtar jasaǵan lańkestik aktini tergeý kezinde aiypty dep tanyldy.
