QR Densaýlyq saqtaý ministrliginiń resmi ókili Dias Ahmetshárip koronavirýs juqtyrǵan adamdardy úiden alyp ketý jaǵdailaryn túsindirdi, dep habarlaidy "Ult aqparat".
«1a» sanaty jatqyzylǵan elden ushyp kelgen adamdar ushaqtan túsken betten birden statsionarlyq karantinge jetkiziledi. Oǵan arnaiy mamandarymyz bar, birden ushaqtan avtobýspen aýrýhanaǵa aparady. Al 1 «B»sanatynan kelgen qazaqstandyqtar úide oqshaýlanýy kerek. Olar kóp jaǵdaida úide oqshaýlanbaidy. Biz olardy tártipke shaqyryp otyrmyz, úide jatýy kerek«, - dedi resmi ókil «Qazaqstan« telearnasyndaǵy «Ashyq alań» baǵdarlamasynda.
Osy rette Dias Ahmetshárip koronavirýs juqtyrǵan adamdardy úiden alyp ketý jaǵdailaryn túsindirip berdi.
»1b«sanatynan kelgen bir adamnan virýs tabyldy. Onymen jaqyn qarym-qatynasta bolǵan azamattardy anyqtadyq. Olar úilerinde. Biz endi olardy statsionarǵa ákelip jatqyzýymyz kerek. Óitkeni, virýs juqtyryp alýy múmkin. Kóp jaǵdaida olar «biz aýyrǵan joqpyz, jaǵdaiymyz jaqsy. Dene qyzýym, jótel joq« dep barmai qoiady. Biraq, biz tekserýge mindettemiz. Koronavirýs adam boiynan 14 kúnniń ishinde belgili bolady. Osy ýaqyttyń ishinde belgisi bolmasa, onda virýs joq degen sóz. Ol 10-shy kúnde shyǵýy múmkin. Búgin anyqtalǵan 1998 jylǵy qyzdan virýs belgisi 7 kúnnen keiin anyqtalyp otyr. 10-y kúni ushyp keldi, aman-esen júrdi. Qasyndaǵylardyń bárin taptyq. Osy 7 kún boiy týystarynyń úiinde bolǵan eken. Bárin karantinge japtyq», dedi ol.
