Mamandar Almaty aýlalaryn dezinfektsiialaýǵa arnalǵan quraldardyń adam aǵzasyna qaýipsizdigin aitty, dep habarlaidy "Ult aqparat".
«Almaty qalasy boiynsha dezinfektsiialaý ortalyǵy» RMK bólimshesiniń aqparatyna sáikes, zamanaýi dezinfektsiialyq quraldar 4-sanattaǵy quraldarǵa jatady. Iaǵni, adam aǵzasyna qaýiptiligi tómen bolǵandyqtan, adam aǵzasyna, janýarlardyń aǵzasyna ziian keltirmeidi.
Arnaiy eritindi mamandardyń instrýktsiiasyna sáikes ázirlenedi.
Aýlalardy zararsyzdandyrýǵa memlekettik reestrge kiretin Keden odaǵy nemese Qazaqstan territoriiasyna qoldanýǵa ruqsat etilgen quraldar qoldanylady.
Trotýarlardy, aialdama keshenderin, qoqys jáshikterin, bankomattardy dezinfektsiialaý úshin QR Qorǵanys ministrliginiń áskeri dezotriadtary belsendi hlor boiynsha 0,015% kontsentratsiiadaǵy natrii gipohloridin paidalanady.
Almaty qalalyq dezinfektsiia ortalyǵynyń dezinfektsiialyq brigadalary naýqastyń úi oshaqtarynda jáne emdelip shyqqandardyń jatqan aýrýhanalaryndaǵy observatsiialyq bólimsheleri men meditsinalyq ortalyqtaryna óńdeý júrgizedi.
Qalalyq Jasyl ekonomika basqarmasynyń málimdeýinshe, qalada qazir kósheler, jaiaý júrginshilerge arnalǵan joldar, jalpy paidalanylýǵa arnalǵan oryndardyń barlyǵyna dezinfektsiia jumystary júrgizilýde.
Bul jumystar úshin 91 sý shashatyn mashina, 36 jaiaý júrginshilerge arnalǵan joldardy sypyratyn mashina jáne 886 jumysshy tartylyp otyr. Qala kósheleri boiyndaǵy qoqys salatyn ýrnalar, oryndyqtar, qoǵamdyq kólik aialdamalary, jerasty jáne jerústi joldaryn dezenfektsiialaý jumysyna 121 adam jumyldyryldy.
Sonymen qatar, konteinerler men konteinerlerdiń aýmaǵyn dezinfektsiialaý jumystary da júieli jalǵasyp, onyń jumysyna 85 adam jumyldyryldy.
Keshe 307 konteiner alańy men 1466 konteinerge dezinfektsiia jumystary júrgizildi. Qala poligonyna 1310 tonna qoqys jóneltildi.
Aita ketý kerek, munyń aldynda oqyrmandar ortalyq saiabaqta zararsyzdandyrý jumystarynan soń kepterler qyrylyp jatqanyn aityp shaǵymdanǵan bolatyn.
QR Ekologiia, geologiia jáne tabiǵi resýrstar ministrliginiń Orman sharýashylyǵy jáne janýarlar álemi komitetiniń baspasóz hatshysy Sáken Dildahmet komissiianyń júrgizgen saraptamasyna sáikes kepterler ólgen jerde munyń aldynda aýmaǵy 100 sharshy metr muz aidyny bolǵanyn aitty. Sol jerde barlyǵy 30 kepter ólgen.
«Qustar ýlanǵan bolýy múmkin. Komissiia músheleri kepterlerdiń denesin zerthanalyq zertteý júrgizý úshin aldy. Qustardyń ólimine ne yqpal etkeni zertteýlerden soń belgili bolady», - dedi S.Dildahmet.
