Prezident Toqaev Ulttyq senim keńesiniń jiynynda biyl aýyl ákimderi, 2024 jyly aýdan ákimderi sailanatynyn aitty.
«Osy bastama elimizdi demokratiialandyrýǵa jáne jergilikti basqarý institýtyn nyǵaitýǵa eleýli úles qosady dep senemin» dedi.
Sizderdi qaidam, mende bir dejaviý sezimi paida boldy. Bir orynda ainalsoqtap qalǵandaimyz. Ekonomika, innovatsiia, bilim, densaýlyq, barlyq salada osylai bir nárseni qaita-qaita aityp, bir sheńberde shyr ainalyp júrgendeimiz.
N.Nazarbaev osydan 23 jyl buryn (!), 1998 jyly halyqqa joldaýynda «my doljny razrabotat masshtabnýiý poetapnýiý programmý vyborov rýkovoditelei vseh ýrovnei... Ia polagaiý, chto v blijaishee vremia neobhodimo pristýpit k razrabotke takoi programmy, chetko raspisav etapy i ýrovni» degen.
1999 jyly Shamalǵan aýylynda «eksperiment sailaý» ótip, biznesmen ákim bolyp sailandy.
2001 jyly 28 aýylda «eksperiment sailaý» ótti.
2004 jyly Nazarbaev «Otan» partiiasy sezinde memlekettik bilikti ortalyqsyzdandyryp, jergilikti basqarý júiesin nyǵaitýǵa, ákimderdi sailaý júiesin engizýge bet túzeimiz dedi.
2005 jyly Batys Qazaqstan, Shyǵys Qazaqstan, Almaty oblystarynda aýdan ákimderi eksperiment jaǵdaiynda sailandy.
Bul «bilik vertikalin demokratiialandyrýdyń bastamasy» bolady dep dáripteldi.
Jaǵympazdar aýzyn ashyp, kózin jumyp maqtady.
Keiin osy «eksperimentterdiń» nátijesi týraly eshkim eshteńe aitqan joq. Jalǵaspai qalǵanyna qaraǵanda, Qazaqstan halqy demokratiiaǵa daiyn bolmai shyqqany ma? Onda prezidentti, májilisti qalai sailap júr?
Naýqandardyń bári úlken sailaýdyń aldynda ia sailaýdan soń jurt narazylyǵyn basý úshin, demokratiialyq kúshterdiń, halyqaralyq uiymdardyń talabymen «iske asty».
Muhtar Seńgirbaidyń jazbasy
