Ýkrainalyq boksshy Sergei Derevianchenko aldaǵy josparlary jaily aityp berdi, dep habarlaidy "Ult aqparat" Sports.kz-ke silteme jasap.
Eger ýkrainalyq boksshy Gennadii Golovkinnen revansh alýdyń múmkindigi bolmasa, Saýl Alvares nemese Djermall Charlomen jekpe-jek ótkizýge daiyn ekenin bildirdi.
«Men revansh ótkizgim keledi, dúniejúzi osyny kútip otyrǵanyna senimdimin. Bul Golovkinniń sońǵy jyldarda ótkizgen eń myqty aiqasy boldy. Kelesi jekpe-jekte IBF jáne IBO tujyrymdarynyń álem chempiony bola alatynyma senemin. Ekinshi aiqasqa suranys bolady dep oilaimyn, sondyqtan meniń promoýterlerim men menedjerlerim ony uiymdastyrýǵa baryn salady», - dedi Derevianchenko.
Boksshy ekinshi jospary da bar ekenin jasyrmady.
«Eger revansh bolmasa, «Kanelo» Kovalevpen judyryqtasyp bolǵan soń, onymen ustasyp kórgim keledi. «Kanelomen» jekpe-jek ótkizetinime senemin, óitkeni, orta salmaqta basqa laiyqty eshkim joq. Eger «Kanelo» da jabyq bolsa, Charlomen kezdesip, 160 fýntta shaiqastyń kókesin kórsetýshi edim», - dedi ýkrainalyq bylǵary qolǵap sheberi.
