RF Kemerovo oblysynyń Halyqtyq depýtattar keńesiniń basshysy Aleksei Sinitsyn burynǵy gýbernator Aman Tóleevke ornyn bosatý úshin merziminen buryn otstavkaǵa ketti, - dep habarlaidy kaz.tengrinews.kz RIA Novosti agenttigine silteme jasap.
"Aman Gýmiruly Tóleev 2013 jyly "Edinaia Rosiia" partiiasynyń aimaqtyq bólimi atynan halyq depýtattarynyń oblystyq keńesine kandidattar tizimin bastaǵan bolatyn. Sol kisiniń arqasynda 86 paiyz daýys jinalyp, senimdi jeńiske qol jetkizdik. Oblystyq keńestiń qazirgi múshesi - ol Tóleevtiń komandasy. Sondyqtan bul komandany ózderiniń kóshbasshysy basqarǵany ádil jáne durys dep baǵalaimyn", - deidi Sinitsyn.
Sinitsynnyń sózinshe, onyń ótinishin depýtattar seisenbi kúngi sezde qaraidy.
Eske salaiyq, Aman Tóleev "Zimniaia vishnia" saýda ortalyǵyndaǵy órtten keiin otstavkaǵa ketken bolatyn. Resmi málimetter boiynsha, órt saldarynan 64 adam mert boldy, onyń ishinde 41-i bala.
