© Sputnik / Vladislav Vodnev
Májilis depýtattary jańa járdemaqy engizýdi usyndy, dep habarlaidy Ult.kz Sputnik Qazaqstanǵa silteme jasap.
Búgin tómengi palatanyń jalpy otyrysynda Tańsáýle Serikov áreketke qabiletsiz nemese aqyl-esi kem adamdardyń máselesin kóterdi. 18 jasqa deiin járdemaqy balaǵa da, qamqorshyǵa da tólenedi.
"Biraq ol 18-den asqasyn aqyl esi durystalyp, keremet bolyp ketpeidi. Árbir ana balasyna qaraidy, sońǵy demi qalǵansha kútedi. Alaida járdemaqy 2-shi jáne 3-shi toptar qamqorshylaryna berilmeidi. Psihikalyq aýrýy bolsa oǵan psihotroptyq dári-dármek, kúndelikti qajet zattaryn, as sýyn alýǵa bólingen járdemaqy jetpeidi", - deidi Serikov.
Osy oraida májilismen aýyldaǵy jalǵyzbasty ananyń oqiǵasyn baiandap berdi.
"Ol aqyl-esi kem balany baǵyp júr. Eshqandai aqy almaidy. Al balany qasynda ustap otyrmasa, basqa adamdarǵa ziianyn tigizýi, úidi órtep jiberýi nemese ózge túgili ózine de qaýip tóndirýi ábden múmkin. Mine, osyndai balany baqylap, qamqorshy bolyp otyrǵan anasyna eshqandai da aqy berilmeidi", - dep atap ótti depýtat.
Onyń aitýynsha anasy bir jerde eden jýýshy bolsa, ekinshi jerde aýla sypyrýshy bolyp eki jumys isteýge májbúr.
"Eden jýýshynyń jalaqysyn balasyna ýaqytsha qarap otyrǵan adamǵa tólese, aýla sypyrýshynyń 45 myń eńbek aqysyn balaǵa dári-dármek alady jáne qalaǵa emge ár barǵan saiyn taksige 10 myń teńgeden tóleidi eken", - deidi Serikov.
18 jastan asqan osyndai aqyl esinde kemshiligi bar, onyń ishinde aýtizm, aligrofen, daýna sindromy siiaqty múgedekter az emes. Resmi málimetke sáikes, Qazaqstanda minez-qulyq buzylystary men psihikalyq aýrýy bar 200 myńǵa tarta adam tirkelgen. Byltyr psihologiialyq aýytqýy bar eresekter sany 1 705 adamǵa kóbeise, aqyl-esi kem balalar sany 3 955-ke artqan. Osylaisha, balalardyń sany 27 286-ǵa jetti.
Serik úkimetke depýtattyq saýal joldap, 1-toptaǵy aqyl-esi kem múgedekterdiń qamqorshylaryna 18 jastan asqan soń da arnaiy járdemaqy belgileýdi talap etti.
