Májilistiń jalpy otyrysynda depýtat Aleksandr Miliýtin sport nysandarynyń turǵyndarǵa qoljetimsizdigi máselesin kóterdi, dep habarlaidy "Ult aqparat".
«Otandyq sportty damytýǵa baǵyttalǵan jastar bastamalaryn qoldaýdyń tiimdi júiesin qurý Qazaqstan Halyq partiiasy baǵdarlamasynyń negizgi basymdyqtarynyń biri bolyp sanalady.
Bul Memleket basshysynyń 2020 jylǵy 1 qyrkúiektegi Qazaqstan halqyna Joldaýynda, sondai-aq jetinshi shaqyrylǵan Parlamenttiń birinshi sessiiasynyń ashylýynda sóilegen sózinde buqaralyq jáne balalar sportyna memlekettik qoldaý kórsetý mindetin qoiǵan tapsyrmasyna tolyq sáikes keledi. Halyq densaýlyǵynyń el úshin strategiialyq mańyzy bar. Sondyqtan Prezident balalar men jasóspirimder sportyn qarjylandyrý kólemin ulǵaitýdy tapsyrdy jáne Parlament depýtattaryn osy shyǵyndardy baqylaýǵa alýǵa shaqyrdy», - dedi A. Miliýtin Úkimet basshysynyń orynbasary Eraly Toǵjanovtyń atyna joldaǵan saýalynda.
Onyń paiymynsha, sportty damytýǵa bólingen biýdjet qarajatynyń tiimdi jáne maqsatty jumsalatyny úlken kúmán týdyrady.
«Áleýmettik jelilerde jariialanǵan sport salasyndaǵy ziiandy áreketterdiń taǵy bir dáleli – Qazaqstan quramasynyń shańǵyshylary A.Dúisenovtyń, E.Velichkonyń ashyq haty. Al óz esebinen mektep jasyna deiingi jáne bastaýysh mektep jasyndaǵy balalarǵa arnalǵan shańǵy klýbyn ashqan A.Golovkonyń jaǵdaiy memleketten qoldaý tappady. Qarajat taýsyldy, klýb ta jabyldy. Ol bizdiń elge qajetsiz bolyp shyqty. Sondyqtan qazir Marokko shańǵyshylaryn jattyqtyrýǵa májbúr», - dedi depýtat.
Onyń aitýynsha, ókinishke qarai, bizdiń balalar ýaqytyn únemi kompiýter men telefonda ótkizedi. Al sportqa degen qyzyǵýshylyq kóbinese elikteýdiń arqasynda paida bolady. Mysaly, boks sektsiiasyna baratyndar S.Qonaqbaev, G.Golovkin, S.Sápiev sekildi dańqty sportshylarǵa elikteidi, al júzgishter D.Balandin, A.Mýsinge qarap boi túzeidi.
«Eger sportshylardy daiarlaýǵa bólingen qarajat maqsatty túrde jumsalmaityn bolsa, onda qandai sporttyq jetistikter týraly aitýǵa bolady?! Ásirese daryndy balalarǵa arnalǵan mektepter jabylýda. Azamattar Aqmola oblysyndaǵy «Qysqy sport túrleri boiynsha olimpiadalyq daiarlaý ortalyǵy» shańǵy-biatlon stadionynyń, Shyǵys Qazaqstan oblysyndaǵy «Abai Arena» stadionynyń, Nur-Sultan jáne Almaty qalalaryndaǵy stadiondardyń qoljetimsizdigine shaǵymdanady. Memleket óz azamattary úshin sport keshenderin salýǵa qarajat bóledi. Biraq munyń bári qoljetimdi emes, sebebi qymbat.
Mundai jaǵdai búkil respýblikada bar», - dedi Miliýtin.
Aitylǵandarǵa bailanysty depýtat sportshylardyń ótinishterine qatysty faktiler boiynsha tiisti suraqtarǵa jaýap berýdy surady.
«2021 jylǵa, sonymen qatar Qazaqstan Respýblikasynda dene shynyqtyrý men sportty damytýdyń 2025 jylǵa deiingi tujyrymdamasyn iske asyrý aiasynda balalar men jasóspirimder sport mektepterin odan ári damytý men qoldaýdyń qandai sharalary josparlanǵan? Ulttyq sport túrlerin damytý aiasynda mektep baǵdarlamasyna engizý úshin «qazaq kúresi», «toǵyzqumalaq» jáne «asyq atý» boiynsha mindetti sabaqtardy ótkizý ádistemesin ázirleý qashan aiaqtalady? Mektep jasyna deiingi jáne mektep jasyndaǵy balalardyń sport úiirmesine tegin barý máselesi qalai sheshilgen?», - dep surady A. Miliýtin.
