Búgin Májilistiń Áleýmettik-mádeni damý komiteti men «Nur Otan» partiiasy fraktsiiasy janyndaǵy áleýmettik keńestiń birlesken otyrysy ótip, «Pedagog mártebesi týraly» zań jobasynyń tujyrymdamalyq negizderi talqylandy. Bul týraly Májilistiń baspasóz qyzmeti habarlaidy.
Kezdesýge Májilis depýtattary, Bilim jáne ǵylym ministrliginiń ókilderi, oqytýshylar, salalyq kásipodaqtardyń músheleri, ata-analar komitetteri men bilim berý salasynyń sarapshylary qatysty.
Qoǵamda birneshe ai boiy talqylanǵan zań jobasynyń tujyrymdamasy men negizgi normalaryn Bilim jáne ǵylym vitse-ministri Elmira Sýhanberdieva tanystyryp, qaralyp otyrǵan joba sońǵy nusqa emes ekenin aitty.
«Beles» taldaý jáne strategiia ortalyǵy» qoǵamdyq birlestiginiń direktory Serik Irsaliev jastardy pedagog mamandyǵyn tańdaýǵa yntalandyratyn faktorlar týraly zertteýdiń nátijelerin, sondai-aq muǵalimniń mártebesin kóterý jónindegi usynystar engizdi.
Májilis depýtattary, birinshi kezekte, muǵalimderdi áleýmettik qoldaý, olardyń kásibi qyzmetinde quqyqtaryn qamtamasyz etý máselelerine nazar aýdardy.
Atap aitqanda, Parlament Májilisiniń depýtaty Ábdimanap Bekturǵanov Muǵalimderdiń quqyqtaryn qorǵaý jónindegi ókilettilikti engizý jóninde usynys jasap, olardy turǵyn úimen qamtamasyz etýdiń naqty tetikterin qarastyrdy. Budan basqa, olar tárbie jumysyn júrgizýge muǵalimderge qosymsha aqy tóleý týraly, sondai-aq muǵalimniń kásibi mindetterine qatysy joq jumysqa ornalasý úshin ákimshilik jaýapkershilikti belgileý týraly baiandady.
Májilis depýtaty Natalia Jumadildaeva muǵalimniń ar-namysy men qadir-qasietin qorǵaityn jáne onyń qaýipsizdigin qamtamasyz etetin standarttardy engizýdiń mańyzdylyǵyna erekshe nazar aýdardy.
Talqylaý barysynda ata-analardyń óz balalaryn tárbieleýdegi jaýapkershiligin kúsheitý máseleleri de qaraldy. Otyrysqa qatysýshylardyń pikirinshe, bul tiisti zańnamalyq aktilermen bekitilýi tiis. Bul, eń aldymen, balalardyń densaýlyǵy men mektepten tys ómirinde ata-analarynyń jiti nazarynda bolýy.
Talqylaýdy Májilistiń vitse-spikeri, «Nur Otan» partiiasy fraktsiiasynyń jetekshisi Gúlmira Isimbaeva qorytyndylap, jastar arasynda pedagogikalyq mamandyqqa degen suranystyń tómendigine toqtaldy.
Sonymen qatar G.Isimbaeva muǵalimderge eńbekaqy tóleý júiesin qaita qaraý jóninde sharalar qabyldap, muǵalimderdiń áleýmettik ál-aýqatyna tikelei áser etetin zań jobasynyń normalaryn qarjylyq negizdeý boiynsha keshendi jumysty júzege asyrýdy usyndy.
