Parlament depýtattary qarjy piramidasyn jarnamalaǵandardy qylmystyq jaýapqa tartýdy qarastyratyn zań jobasyna bastamashylyq jasady. Bul týraly Májilistiń jalpy otyrysynda depýtat Iýrii Li aitty, dep habarlaidy QazAqparat.
«Biyl 11 sáýirde «MUDARABAH CAPITAL» qarjy piramidasynan zardap shekkenderdiń biri elordada ózin órtep jiberdi. Bul tragediiaǵa ne sebep boldy? Zań boiynsha qarjy piramidasynyń qyzmetine tyiym salynǵan. Alaida adamdar jeńil aqshanyń sońyna erip, osyndai kúmándi jobalarǵa jinaǵan qarajatyn salyp jatyr. Alaiaqtar myńdaǵan qazaqstandyqty jinaǵan qarajatynan, kóliginen, páterinen aiyryp, kóbisin nesie men qaryzǵa batyrdy. Bul óz kezeginde bizdiń azamattardyń qarjylyq saýatylyǵynyń tómendigimen bailanysty», - dedi Iu. Li quzyrly organdarǵa joldaǵan saýalynda.
Osy oraida ol buǵan deiin jasalǵan depýtattyq saýaldardyń birinde «MUDARABAH CAPITAL» JShS qarjy piramidasynyń jarnamasyna qatysqandardy jaýapkershilikke tartý týraly aitylǵanyn eske saldy.
«Sonymen qatar Májilis depýtattary tiisti zań jobasyna bastamashylyq jasady. Onda qarjy piramidasynyń jarnamasy úshin qylmystyq jaýapkershilikti engizý eskerilgen. Tiisti rásimderden keiin, atalǵan zań jobasyn talqylaýǵa kirisemiz», - dedi depýtat.
