پارلامەنت دەپۋتاتتارى قارجى پيراميداسىن جارنامالاعانداردى قىلمىستىق جاۋاپقا تارتۋدى قاراستىراتىن زاڭ جوباسىنا باستاماشىلىق جاسادى. بۇل تۋرالى مەجٸلٸستٸڭ جالپى وتىرىسىندا دەپۋتات يۋريي لي ايتتى, دەپ حابارلايدى قازاقپارات.
«بيىل 11 سەۋٸردە «MUDARABAH CAPITAL» قارجى پيراميداسىنان زارداپ شەككەندەردٸڭ بٸرٸ ەلوردادا ٶزٸن ٶرتەپ جٸبەردٸ. بۇل تراگەديياعا نە سەبەپ بولدى? زاڭ بويىنشا قارجى پيراميداسىنىڭ قىزمەتٸنە تىيىم سالىنعان. الايدا ادامدار جەڭٸل اقشانىڭ سوڭىنا ەرٸپ, وسىنداي كٷمەندٸ جوبالارعا جيناعان قاراجاتىن سالىپ جاتىر. الاياقتار مىڭداعان قازاقستاندىقتى جيناعان قاراجاتىنان, كٶلٸگٸنەن, پەتەرٸنەن ايىرىپ, كٶبٸسٸن نەسيە مەن قارىزعا باتىردى. بۇل ٶز كەزەگٸندە بٸزدٸڭ ازاماتتاردىڭ قارجىلىق ساۋاتىلىعىنىڭ تٶمەندٸگٸمەن بايلانىستى», - دەدٸ يۋ. لي قۇزىرلى ورگاندارعا جولداعان ساۋالىندا.
وسى ورايدا ول بۇعان دەيٸن جاسالعان دەپۋتاتتىق ساۋالداردىڭ بٸرٸندە «MUDARABAH CAPITAL» جشس قارجى پيراميداسىنىڭ جارناماسىنا قاتىسقانداردى جاۋاپكەرشٸلٸككە تارتۋ تۋرالى ايتىلعانىن ەسكە سالدى.
«سونىمەن قاتار مەجٸلٸس دەپۋتاتتارى تيٸستٸ زاڭ جوباسىنا باستاماشىلىق جاسادى. وندا قارجى پيراميداسىنىڭ جارناماسى ٷشٸن قىلمىستىق جاۋاپكەرشٸلٸكتٸ ەنگٸزۋ ەسكەرٸلگەن. تيٸستٸ رەسٸمدەردەن كەيٸن, اتالعان زاڭ جوباسىن تالقىلاۋعا كٸرٸسەمٸز», - دەدٸ دەپۋتات.
