Májilis depýtattary bir kúndik jalaqysyn Túrkistan oblysynda sý basý saldarynan zardap shekkenderge aýdardy, dep habarlaidy "Ult aqparat".
«Palata Spikeri Nurlan Nyǵmatýlinniń tóraǵalyǵymen Májilis Biýrosy bir kúndik eńbekaqyny Túrkistan oblysynyń Maqtaaral aýdanyndaǵy eldi mekenderdi sý basý saldarynan zardap shekkenderge kómek kórsetý úshin «Túrkistan» korporativtik áleýmettik damý qoryna aýdarý týraly Qaýly qabyldady», - delingen taratylǵan habarlamada.
Osy oraida qarjy aýdan turǵyndarynyń tirshiligin, búlingen úilerdi, infraquralymdardy qalpyna keltirýge baǵyttalady.
Budan buryn habarlanǵandai, búgin Úkimet otyrysynda Túrkistan oblysynyń ákimi Ómirzaq Shókeev 31 606 turǵyn 14 eldi mekennen evakýatsiialanǵanyn, onyń ishinde 6 127 turǵyny bar 5 eldi mekendi sý tolyǵymen basqanyn aitty.
