QR Parlamentiniń depýtattary balalalardy kemsitýshilikke qarsy zań jobasyn ázirledi. Qujatty búgin zań shyǵarmashylyq qyzmet máseleleri jónindegi vedomstvoaralyq komissiiasy otyrysynda Májilis depýtaty Snejana Imasheva tanystyrdy, dep habarlaidy "Ult aqparat".
Onyń atap ótýinshe, zań jobasy birneshe kodeks pen zańǵa túzetýler engizýdi kózdeidi. Eń birinshi QR Qylmystyq kodeksiniń tárbielik yqpal etýdiń mábúrli sharalaryn qodanýǵa qatysty kámeletke tolmaǵandardy profilaktikalyq esepke alý jáne baqylaýdy anyqtaý bóligine ózgeris engiziledi. Ekinshiden, QR Ákimshilik quqyq buzýshylyq týraly kodeksiniń kámeletke tolmaǵandarǵa jeńil dene jaraqatyn salý jáne uryp-soǵý bóliginde túzetýler qarastyrylady. Úshinshiden, QR Eńbek kodeksine 14 jasqa tolmaǵan tulǵalarmen, joǵary sanattaǵy sportshylarmen shart jasasý engiziledi.
«Tórtinshiden, «Balalardyń quqyǵy týraly» zańǵa balalardy kemsitýshilikke tyiym salý, balanyń baspana alý quqyǵyn naqtylaý, balany tárbieleý, asyraýdaǵy ata-ananyń mindetterin keńeitý kózdeledi», - dedi depýtat.
Sonymen qatar Májilis depýtaty elimizdiń «Kámeletke tolmaǵandar arasyndaǵy quqyq buzýshylyqtyń , balalardyń qaraýsyz jáne qorǵansyz qalýynyń aldyn alý týraly», «Arnaýly áleýmettik qyzmetter týraly» zańdaryna túzetýler qarastyrylatyndyǵyn aitty.
