Májilistiń jalpy otyrysynda depýtat Aiqyn Qońyrov azyq-túlik qaýipsizdigine qatysty Úkimet basshysy Asqar Maminniń atyna saýal joldady, dep habarlaidy "Ult aqparat".
Onyń aitýynsha, otbasylyq biýdjetke pandemiia men karantinge bailanysty azamattardyń kirisin joǵaltýy ǵana emes, sonymen qatar azyq-túlik baǵasynyń baqylaýsyz ósýi de keri áser etedi. Bir jyl ishinde azyq-túlik baǵasy 11,4 paiyzǵa ósti.
Negizinen, halyq tutynatyn azyq-túlik, iaǵni jarma, un, jumyrtqa, kúnbaǵys maiy, qant sekildi ónimder qymbattady. 2020 jyldyń sońǵy málimetterine qaraǵanda, qazaqstandyq otbasylardyń biýdjetindegi azyq-túlik shyǵyndarynyń úlesi 54,3 paiyzǵa jetti.
Depýtattyń paiymynsha, bul turǵyda júieli sheshim usynylmai keledi. Azyq-túlik naryǵynyń turaqty jumys isteýin birneshe vedomstvo qadaǵalaidy. Biraq olardyń kelisilgen jalpy qyzmetinen tiisti nátije bolmai tur.
«Memlekettik mehanizmder taýyq jumyrtqasy nemese kúnbaǵys maiy baǵasynyń ósýine bailanysty jekelegen salalyq irkilisterdi jeńe almaidy. Olarda azyq-túlik infliatsiiasyn jumsartý jaǵyna ótý úshin júieli sharalar da qamtylǵan», – dedi halyq qalaýlysy.
Osy oraida A. Qońyrov QHP azyq-túliktiń ekonomikalyq qoljetimdiligine basymdyq bere otyryp, azyq-túlik qaýipsizdigi strategiiasyn ázirleý jáne jumystyń osy sektoryna jaýapty memlekettik organdy nemese komissiiany aiqyndaý qajet dep sanaidy. Sondai-aq ol turaqtandyrý qorlarynyń jumysyn obektivti baǵalaýdy usyndy.
