Búgin QR Parlamenti palatalarynyń birlesken otyrysynda qaralyp jatqan «Táýelsizdiktiń 25 jyldyǵy Qazaqstan jetistikteriniń deklaratsiiasy» jobasynda Elbasynyń esimin elordanyń jáne elimizdiń basqa da nysandarynda kórsetý usynylǵan. Bul týraly jobany tanystyrǵan Májilis depýtaty Qýanysh Sultanov aitty, dep habarlaidy QazAqparat.
«Táýelsizdiktiń uly joly máńgi bolýy tiis. Joǵaryda jariialanǵandardy eskere otyryp, elordada Táýelsiz Qazaqstan monýmentin turǵyzý qajet. El Konstitýtsiiasynda Tuńǵysh Prezident Elbasy Nursultan Ábishuly Nazarbaevtyń bizdiń memleketimizdi qurýdaǵy biregei eńbegin atap ótýdi, Elbasynyń esimin elordanyń jáne elimizdiń basqa da nysandarynda kórsetýdi usynamyz», - dedi Sultanov.
Onyń atap ótýinshe, bizdiń tutas maqsatymyz - Elbasy tóńiregine toptasyp, eń qymbat qazynamyz - Táýelsiz Qazaqstandy kózimizdiń qarashyǵyndai saqtap, jańa urpaqtarymyzǵa amanattap, máńgilik el qundylyqtaryn qasterleý. «Táýelsizdik bizdiń eń basty uiystyrýshy qundylyǵymyz bolǵan, qazir de solai jáne bolashaqta da bola bermek», - dedi depýtat.
