Foto: parlam.kz
Májilis depýtaty Irina Smirnova Úkimet basshysyna jetim jáne ata-anasynyń qamqorlyǵynsyz qalǵan balalardy baspanamen qamtamasyz etý máselesine qatysty ótinish bildirdi, - dep habarlaidy Tengrinews.kz.
Onyń aitýynsha, Qazaqstanda jetim ósken jáne kámelet jasyna tolǵan 62 351 adam baspana kezeginde tur. Táýelsizdik alǵaly beri tek 8 444 turǵyn úi berilgen. Onyń ishinde tek tegin baspana ǵana emes, satyp alynatyn baspana da bar.
"Iaǵni mundai jaǵdaida kezekte turǵandar tek 120 jyldan keiin ǵana túrli baǵdarlamalar boiynsha baspanaly bolý nemese ony satyp alý quqyǵyna ie bolady", – dedi Smirnova.
Depýtat pen Qazaqstan halyq partiiasy el azamattarynyń osy sanatyn turǵyn úi joldamasy, tikelei baspana, jekeshelendirý quqyǵymen jalǵa beriletin turǵyn úi jáne basqa da ádister arqyly turǵyn úimen qamtamasyz etý múmkindigin jedel qarastyrýdy usyndy.
"Petropavlda 1,5 myń páterdiń tabylǵany, Qaraǵandyda azamattardyń áleýmettik osal sanattaryna arnalǵan turǵyn úilerdi memlekettik qyzmetkerlerge zańsyz bólý faktileri jáne basqa da málimetter jetim balalarǵa arnalǵan baspana bar ekenin kórsetetinin aitty. Alaida depýtattyń aitýynsha, sheneýnikter páterlerdi qoldan shyǵarǵysy kelmei otyr", - dedi ol.
Sondai-aq, ol elden zańsyz shyǵarylǵan 670 milliard teńgeniń esebinen qysqa merzimde jetim balalardy baspanamen qamtamasyz etý múmkindigi ashylatynyna senim bildirdi.
