videodan alynǵan kadr
Májilis depýtaty Ermurat Bapi alǵashqy depýtattyq saýalyn Bas prokýrorǵa joldady. Májilismen ultaralyq arazdyqty qozdyrǵany úshin sottalǵan Marǵulan Boranbaev pen Danat Namazbaevty bosatýdy talap etti, dep habarlaidy Sputnik Qazaqstan.
Ermurat Bapidiń aitýynsha, Petropavl qalasyndaǵy jaǵdaidan keiin el ishine jik salý sindromy qoǵamnyń qatty alańdaýshylyǵy men zyǵyrdanyn týǵyzyp otyr.
"Iá, el Konstitýtsiiasy men tiisti memlekettik zańdar kez kelgen separatizmge qarsy tura alady. Biraq halyqtyq múddeniń qasietin qorǵaityn "ulttyq namys" dep atalatyn taǵy bir qudiretti kúsh bar. Degenmen, bizdiń eldiń namysyn qorǵaǵan ultjandy azamattar Marǵulan Boranbaev pen Danat Namazbaev "ultaralyq arazdyqty qozdyrdy" degen jeleýmen árqaisysy 5 jylǵa sottalyp ketti. Anyǵynda, bul azamattar "ultaralyq arazdyqtan" buryn, qazaq halqynyń namysyn jyrtyp, ulttyq múddeni qorǵap, áleýmettik jelilerdegi separatistik kózqarastarǵa qarsy shyqqany úshin sotty boldy", - deidi Bapi Bas prokýrorǵa joldaǵan depýtattyq saýalynda.
Onyń aitýynsha, bul azamattarǵa óreskel qiianat jasalǵan.
"Bir el nege óziniń syńarezý saiasatshylaryna tyiym salmaidy, bizdiń el nege óziniń eldik múddesi men halyqtyq namysyn qorǵaǵan azamattaryn sottaidy? Buǵan deiin Qazaqstanda bolyp kelgen separatizm sindromyn jáne Petropavl qalasynda jýyrda bolǵan jaǵdaidy eskerip, Marǵulan Boranbaev pen Danat Namazbaevqa qatysty úkimdi qaitadan qaraityn ýaqyt ta, saiasi sebep te, ulttyq qaýipsizdik muqtajdyǵy da týdy dep esepteimin!", - dep málimdedi májilismen.
Osyǵan bailanysty Ermurat Bapi bas prokýrordan "eliniń ulttyq múddesin qorǵaý jolynda sotty bolǵan namysty jigitter Marǵulan Boranbaev pen Danat Namazbaevqa qatysty qylmystyq isterdiń zań talaptaryna sáikes jańadan ashylǵan mán-jailarǵa bailanysty qaita qaralyp, áleýmettik ádilettiktiń ornaýyna yqpal etýin" surady.
"Azamattyq minez kórsetetin ýaqyt keldi", dep túiindedi sózin Bapi.
Aitýynsha, onyń depýtattyq saýalyna áriptesi Abzal Quspan da qosylǵan.
