Foto: uww.asia, video kadry
Májilis depýtaty Dáýlet Turlyhanovtyń uly basshynyń buiryǵyna baǵynbaǵany jáne ony oryndamaǵany úshin ákimshilik jaýapkershilikke tartyldy, - dep habarlaidy "Ult aqparat" Almaty sottarynyń resmi paraqshasyna silteme jasap.
"Almaty qalasy Ákimshilik quqyq buzýshylyq isteri jónindegi mamandandyrylǵan aýdanaralyq soty ákimshilik quqyq buzýshylyq jasaǵan, áskeri bólim basshysynyń belgilengen tártip boiynsha bergen buiryǵyn oryndaýdan ashyq túrde bas tartqan qatardaǵy jaýynger B.-ǵa qatysty ákimshilik isti qarady.
Sot 2023 jylǵy 2 shildede áskeri bólimniń áskeri qyzmetkeri, qatardaǵy jaýynger B. Almaty garnizonynyń gaýptvahtasynan shyqqannan keiin komandirdiń buiryǵyna sáikes óziniń áskeri bólimine barýy tiis ekenin anyqtady. Alaida ol leitenant A. habarlaǵan bólim komandiriniń osy buiryǵyn oryndaýdan ashyq túrde bas tartyp, Áskeri politsiia basqarmasynyń ǵimaratyna kelgen kólikpen belgisiz baǵytqa ketken.
Sot otyrysynda B. is materialdarynda baiandalǵan faktilerdi rastady" - delingen habarlamada.
Sot qaýlysy boiynsha qatardaǵy B. ÁQBtK-niń 652 babynyń 6 bóliginde kózdelgen ákimshilik quqyq buzýshylyqty jasaǵany úshin kináli dep tanylyp, oǵan 15 táýlikke ákimshilik qamaqqa alý túrindegi ákimshilik jaza taǵaiyndaldy.
Sot qaýlysy zańdy kúshine engen joq.
