Foto: Pexels.com
Bekbolat Orynbekov óziniń depýtattyq saýalynda Jambyl oblysyndaǵy jylý jelileriniń tozýy jáne jańa qurylystarǵa elektr qýatynyń jetispeitini týraly jariia etti. Senatordyń aitýynsha, Taraz qalasyndaǵy jylý jelisiniń tozý deńgeii 63,8% jáne Shý qalasy boiynsha 35% qurap, esesine jylytý ysyraby men shyǵyn kólemi artýda, dep habarlaidy Ult.kz.
«Ózekti máselelerdi sheshý maqsatynda Taraz qalasynda 38 shaqyrymdy quraityn magistraldyq jáne ishki kvartaldyq 16 jylý jelilerin qaita jańǵyrtýǵa jobalyq-smetalyq qujattamalary ázirlendi. 2025 jyly respýblikalyq biýdjetten qarjylandyrý úshin 23,8 mlrd. teńgege biýdjettik ótinim tapsyryldy», - dedi senator Orynbekov.
Depýtat sonymen qatar óńirdegi basym jobalarǵa Úkimettiń nazaryn aýdardy. Onyń ishinde M-3 jylý magistrali men Tarazdaǵy «Myńbulaq» jáne «Samal» shaǵyn aýdandarynyń jylý jelisin qaita jańartý, sondai-aq Taraz qalasynda jáne Qordai aýdanynda elektr qosalqy stantsiiasyn salý týraly aityldy. Onyń pikirinshe, bul jobalar óńirdiń áleýmettik jaǵdaiy men senimdi energiiamen jabdyqtaýdy jaqsartýǵa múmkindik beredi.
«Memleket basshysy óz Joldaýlarynda óńirdegi tozyǵy jetken infraqurylymdyq jelilerin jańǵyrtýdy, onyń ishinde jylý energetikaǵa asa kóńil bólý qajettigin aityp keledi. Baiandalǵan basym usynystar óńirdiń energetikalyq jáne kommýnaldyq keshenin jańǵyrtýǵa qosatyn úlesin eskere otyryp, 2025 jyly respýblikalyq biýdjetten Jambyl oblysyna atalǵan jobalardy iske asyrýdy bastaýǵa 15 mlrd.teńge bólinýine yqpal etýińizdi suraimyz», - dedi depýtat.
