Foto: Facebook / Nýrlan Aýesbaev
Jalpyulttyq sotsial-demokratiialyq partiiasy fraktsiiasynyń depýtattary bilik organdaryndaǵy sybailas jemqorlyq máselesin kóterip, jemqor sheneýnikterge shúilikti, dep habarlaidy Sputnik Qazaqstan.
Depýtat Nurlan Áýesbaevtyń aitýynsha, qazaqstandyqtardyń kóbi sybailas jemqorlyq – bul ýaqytsha nárse, tek belgili bir qyzmetter úshin sheneýnikke aqsha berý faktisi dep oilaidy.
"Biraq obektivti túrde qarasaq, sybailas jemqorlyq – bul buzylyp jatqan mektep, aýrýhana, turǵyn úi kesheni, joldar jáne taǵy basqa sapasyz, aiaqtalmaǵan nemese múldem joq áleýmettik infraqurylym obektileri. Sybailas jemqorlyq tek qana ekonomikamyzǵa emes, jalpy qoǵamǵa úlken zalal keltirip jatyr. Munyń bári - saýatsyzdyqtyń kórinisi emes, bul - urlyq shemalar, taidyrýlar. Barlyǵy bilik organdarynan bastaý alyp jatqany jasyryn emes", - deidi Áýesbaev Premer-ministr Álihan Smaiylovqa joldaǵan depýtattyq saýalynda.
Bul rette májilismen eldi dúrliktergen jemqorlyq faktilerine toqtaldy.
Máselen, Taldyqorǵan qalasynda býhgalter biýdjetten aqsha urlaý esebinen 2 mlrd teńgege baiydy jáne taǵy 14 páter tabyldy. Almaty qalasynda "Art Sport" jobasy boiynsha bólingen 20 mlrd teńgeniń shamamen 2 mlrd teńgesi urlandy. Astana ákimdigi tehnologiialardy buza otyryp, sapasyz salynǵan óziniń 100 nysanyn belgiledi. Sheneýniktiń ózi komissiia tehnologiianyń buzylýymen, injenerlik jelilerdi júrgizbei salynǵan úilerdi qabyldaǵanyn moiyndap otyr.
"Shyn máninde, sybailas jemqorlyq siz ben bizden tek qana aqsha urlap otyrǵan joq, sybailas jemqorlyq ýaqyt pen bolashaqty urlap otyr. Atap aitsaq, bizdiń balalarymyzdyń laiyqty bolashaǵyn urlap otyr. Milliardtardy urlaǵany úshin adam 6 jyl alsa, úsh jyldan keiin merziminen buryn bosatylsa, bul ádiletti me? Kóptegen adam ózi urlaǵan bailyǵyn kórsetýden uialmaidy. Bul halyqqa túkirý! Sybailas jemqorlyq – bizdiń ortaq jaýymyz!", - dedi Áýesbaev.
Depýtat sybailas jemqorlyqqa qarsy baǵdarlamalar únemi jariialanatynyn, biraq onyń oryndalýy jaily eshkim esep bermeitinin aityp synady.
"Bizdiń sheneýnikter halyqtyń qyzmetshisi retinde emes, qojaiyn retinde áreket etse, eshqandai sátti reformalar jaily áńgime bolýy múmkin emes! Osyǵan bailanysty JSDP fraktsiiasynyń depýtattary jyl saiyn parlament májilisi aldynda sybailas jemqorlyqqa qarsy kúres jónindegi baǵdarlamalardyń oryndalýy týraly esep berýdi usynady", - dep qorytyndylady sózin májilismen.
