Parlament Májilisiniń jalpy otyrysynda depýtat Jámilá Nurmanbetova shaǵyn jinaqty mektepterdiń máselesin kóterdi. Osy oraida Úkimet basshysynyń orynbasary Eraly Toǵajanovtyń atyna depýtattyq saýal joldandy, dep habarlaidy "Ult aqparat".
Onyń paiymynsha, Bilim ministrligi mekteptegi bilim berý baǵytynda júrgizip jatqan reformalary shaǵyn jinaqty mektepter qyzmetiniń ereksheligin tiisti deńgeide eskermei otyr.
«Orta bilimniń jańartylǵan mazmunyn engizý protsesi, sonymen birge shaǵyn jinaqtaǵy mektepterde muǵalimderdiń pedagogikalyq júktemesi men olardyń jalaqysy erekshe nazar aýdarýdy talap etedi. Máselen, atalǵan mektepterde birneshe túrli pándi júrgizetin bir muǵalim sabaqqa daiyndyq pen ony birneshe synypta ótkizý kezinde eleýli metodikalyq júktemege tap bolady», - dedi depýtat.
Osy oraida ol bul jaǵdailar saldarynan muǵalimderdiń jalaqysy tómen ekenin aitty.
Sonymen qatar Jámilá Nurmanbetova shaǵyn jinaqtaǵy mektepterde internet jyldamdyǵy máselesin de sheshý kerektigin alǵa tartty.
Depýtat atalǵan máselelerdi eskere otyryp, shaǵyn jinaqtaǵy mektepterdegi problemany sheshýge qatysty tiisti qadamdardy jasaýdy usyndy.
