video kadry
Depýtat Maqsat Tolyqbai Májilistiń jalpy otyrysyna qazaqstandyqtardyń 8 myńnan asa ótinishin alyp keldi, - dep habarlaidy Tengrinews.kz.
Májilismen Premer-ministr Álihan Smaiylovqa depýtattyq saýal joldap, Almaty oblysyndaǵy saiajai turǵyndarynyń máselelerin aitty.
"Men saiajailarda turyp jatqan, biýdjetten bir tiyn da kómek almaityn adamdardyń aianyshty jaǵdaiyn óz kózimmen kórdim. Rasynda, jaǵdai óte qiyn, halyqtyń shydamy taýsylyp barady. Men ózim adamdarmen kezdestim. Ótinishter kóp. 8 myńnan asa ótinish ákeldim. Mine, osy ótinishterdiń barlyǵy", — dedi depýtat bir qorap qujatty kórsetip.
Ol Qonaev, Qarasai, Eńbekshiqazaq, Talǵar, Jambyl jáne Ile aýdandarynda 674 saiajai bar ekenin aitty. Ondaǵy turǵyndar sany 500 myńǵa taiap qalady. Bul rette jaqyn jerde qajetti infraqurylym joq: mektep, balabaqsha, qoǵamdyq kólik, meditsinalyq qyzmet kórsetý, asfalt, poshta bólimshesi, bailanys toraptary, áleýmettik qyzmetter men áleýmettik nysandar.
Depýtat bul másele tek Almaty oblysynda ǵana emes, Qazaqstannyń basqa óńirlerinde de bar ekenin eske saldy. Onyń pikirinshe, Úkimet máseleni sheshý úshin tez arada arnaiy baǵdarlama ázirleýi kerek.
video: Depýtat Juldyz Súleimenova Youtube arnasy
