Foto: Egemen.kz
Depýtat Dáýlet Muqaev jekelegen qazaqstandyq muǵalimderge syn aityp, mektep oqýlyqtarynyń biryńǵai standartyn engizýdi usyndy, dep habarlaidy Ult.kz.
Májilistiń áleýmettik-mádeni damý máseleleri jónindegi otyrysynda Dáýlet Muqanov mekteptegi bilim berýdiń jekelegen tustaryn synǵa aldy. Depýtat oqýlyqtardyń formatyna toqtaldy.
"Olardyń bári nege ártúrli bolyp ketken? Nelikten bekitilgen standart joq? Nege bul suraqty qoiyp otyrmyn – jyl saiyn, oqý jylynyń basynda oqýlyqtarǵa muqabalar satyp alýǵa týra keledi, óitkeni (muqabalar - redaktordyń eskertpesi). Bir synyptyń oqýlyǵy kelesi synyptyń oqýlyǵyna jaramaidy, tipti bir synyptyń oqýlyqtary ártúrli, tipti keide qoldan jasalǵan muqabalardy qoldanýǵa májbúrmiz, meniń oiymsha, bir standart bolýy kerek", - dedi ol.
Sondai-aq, ol bastaýysh synyp oqýshylarynyń aldynda turǵan qiyn tapsyrmalardy, keibir muǵalimderdiń saýatsyzdyǵyn da kórsetti.
"Muǵalimder "Iá" sózin "ia" dep jazady, iaǵni eki áripten turatyn sózden de adamdar qate jiberedi. Muǵalim bola tura. Ol balalarǵa qalai sabaq beredi? Tipti sizdiń prezentatsiiańyzdan da (Bilim Ministrliginiń ókiliniń – red.eskertpesi) men birneshe grammatikalyq qatelerdi baiqadym. Biz grammatikany joǵaltyp bara jatyrmyz", - dep esepteidi depýtat.
Keiin depýtat Ashat Aimaǵambetov oqýlyqtarda mundai jaǵdaidyń nelikten oryn alǵanyn aityp berdi.
"Biz 2020 jyly formatty birizdendirý týraly sheshim qabyldadyq. Iaǵni, keiin shyǵarylatyn oqýlyqtar yńǵaily biryńǵai formatta bolady. 2016 jyldan bastap oqýlyqtar shyǵaryldy, olar qazir bizdiń mektep kitaphanalarymyzda qoldanysta. Alaida álbette biz olardy tastamaimyz, olar áli áreket etip jatyr. Sondyqtan 2020 jyly osy format bekitilgenge deiin satyp alynǵan, shyǵarylǵan oqýlyqtar áli de qoldanysta", - dep túsindirdi ol.
Onyń aitýynsha, jańa oqýlyqtar shyqqanda olar tek jańa standarttar boiynsha ádettegi formatta shyǵarylady.
"Meniń oiymsha, siz aityp otyrǵan másele tolyǵymen sheshiledi. Oqýlyqtyń qyzmet etý merzimi – 5 jyl... 2020 jylǵa deiin shyǵarylǵan jáne qoldanysta bolǵan kitaptardy alyp tastaý, joiý, jańa oqýlyqtar satyp alý - ekonomikalyq jáne jalpy turǵyda qisynsyz. Meniń oiymsha, eki jylda jańa oqýlyqtar shyǵady. Kem degende, ministrlik búgin bul týraly málimdep otyr", - dep jaýap berdi ol ata-analar mundai alaýyzdyqqa taǵy qansha shydaidy degen suraqqa.
