Májilis depýtaty Edil Jańbyrshin Qazaqstanda jańa vedomstvo - Sý ministrligin qurýdy usyndy, dep habarlaidy Ulysmedia.kz.
«Siz qalai oilaisyz? Biz sý diplomatiiasynda utylyp jatqan joqpyz ba? Eýraziialyq ekonomikalyq odaq sheńberinde ótken aida Qyrǵyzstannyń júk kólikteri Qazaqstannyń kedeni aqyly kire almai qalǵan. Soǵan jaýap retinde qyrǵyzdyń bir depýtaty Qazaqstanǵa ózen sýyn jibermei qoiaiyq dep másele kótergen. Eki eldiń arasyndaǵy osy problema keiin daýǵa ulasyp ketpei me?» - dep suraq qoiyldy depýtatqa Májilis kýlýarynda.
Bul suraqqa jaýap bergen Edil Jańbyrshin qyrǵyzdyń bir depýtatynyń sózi búkil memleketiniń ustanymy emes ekenin atap ótti.
«Olardyń da bizben bailanysatyn komitetteri bar. Memleketiniń quzyrly organdary bar. Arada kelisimsharttar jasalǵan. Sondyqtan bul jerde menińshe, biz jumystardy júieleýimiz kerek. Eskirgen kelisimsharttardy iýálkim qaita qaraý kerek shyǵar. Nemese kelissóz júrgizip, jańa kelisimderge kelý kerek pe?! Máselen, biz bul baǵytta Ortalyq Aziia memleketterimen áli kúnge deiin kontsortsiýmdy qura almai júrmiz», - dedi Edil Jańbyrshin.
Onyń aitýyna qaraǵanda Qytaimen 7 jylǵa deiin aiaqtai almai júrgen kelisimder bar. Edil Jańbyrshin osynyń bárimen bir ministrlik ainalysýy kerek deidi.
«Iaǵni Sý ministrligin qurý kerek pe?» degen suraqqa depýtat bylai dedi.
«Sý - bizde úlken resýrs. Sýsyz halyqtyń ál-aýqatyn kóterý múmkin emes. Sondyqtan bir ministrlik quryp osy máselelerbdiń bárimen júieli túrde ainalysýy kerek», - dedi ol.
Aita ketsek, osy jyldyń sáýirinde qyrǵyz depýtaty Aibek Altynbekov Qazaqstandy «sý blokadasymen» qorqytqan bolatyn. Kórshi eldiń depýtaty Qyrǵyzstannyń júk kólikteriniń Qazaqstanǵa kire almai jatqanyna kóńili bolmaǵan.
