Nur-Sultan qalalyq máslihatynyń depýtaty Nurdáýlet Orazhanov elimizde dástúrli túrde ótetin «Qazaqstan barysy» saiysyna bólinetin qarjynyń kóptigin aityp, qysqartýdy usyndy, dep habarlaidy QazAqparat.
«Qujatta kórsetilgen halyqaralyq týrnirlerdi ótkizýge orta eseppen 59 mln teńge qarjy bólinedi eken. «Qazaqstan barysy» saiysyn ótkizýge áldeqaida kóp bólinedi. 150 mln teńge dep kórsetilipti. Árine, ulttyq sportty damytýǵa eshqandai qarsylyǵym joq. Degenmen biýdjet qarjysyn únemdeý kerek siiaqty. Eger halyqaralyq sport sharasyn 50 mln teńgege ótkizsek, onyń qasynda respýblikalyq shara nege qymbat?», - degen saýal joldady depýtat Nurdáýlet Orazhanov qalalyq máslihattyń otyrysynda.
Saýalǵa jaýap bergen Nur-Sultan qalasy dene shynyqtyrý jáne sport basqarma basshysynyń orynbasary Almas Abaevtyń sózinshe sporttyq jarystar ótkizýge qarajat onyń deńgeii men aýqymyna bailanysty bólinedi.
«Mysaly, «Álem barysy» jarysyn alsaq, atalǵan shara basqa elder úshin asa tanymal emes. Iaǵni bul sharany nasihattaýǵa, sportshylardy daiarlaý men shaqyrý aýqymdy qarjyny talap etedi», - dep jaýap berdi.
Depýtat óz kezeginde spikerdiń sózin bólip, másele «Álem barysy» emes, «Qazaqstan barysyna» qatysty ekenin naqtylap ketti.
«Túsinikti. Bul máseleni qaita qarastyramyz», - dep qysqa qaiyrdy basqarma basshysynyń orynbasary.
