Búgin Parlament Májilisiniń jalpy otyrysynda depýtat Iýrii Li qarjy piramidalaryna qatysty Bas prokýratýraǵa saýal joldady, dep habarlaidy "Ult aqparat".
«Buqaralyq aqparat quraldarynda únemi osy qylmys túrine bailanysty jańa oqiǵalar jariialanyp keledi. Sońǵy úsh jylda keltirilgen shyǵyn somasy ondaǵan milliard teńgemen esepteledi», - dedi Iu. Li.
Depýtattyq saýalda piramidalarǵa tanymal blogerler men vainerlerdiń qatysýy máselesine de nazar aýdaryldy. Bul turǵyda ASTEX.KZ JShS, ACD technology JShS jáne MUDARABAN Capital JShS boiynsha sońǵy rezonansty oqiǵalar ataldy.
«Bul adamdar (blogerler men vainerler) qarjy piramidasynyń jarnamasyna belsendi qatysyp, táýekelsiz investitsiialar dep joǵary tabys ýáde etildi. Qazir bul tanymal adamdar ózderi de aqsha salyp, aldanyp qalǵandaryn, sondai-aq qarjy piramidasy uiymdastyrýshylary tarapynan zardap shekkenin aityp jatyr. Degenmen fakti degen bar, jarnama rolikterinde kadrlar saqtalǵan», - dedi depýtat.
Osy oraida Iýrii Li ASTEX.KZ JShS, ACD technology JShS jáne MUDARABAN Capital JShS qarjylyq piramidasy jarnamasyna qatysqan tanymal adamdardy ákimshilik jaýapkershilikke tartý múmkindigi jaiynda surady.
