QR Parlament Senatynyń depýtaty Darxan Káletaevtyń aitýynsha, Qazaqstannyń modernizatsiiasyn iske asyrý aiasynda Tuńǵysh Prezidenttiń kóshbasshylyq qasietin áli de asha túsý kerek. Al «Elbasy» terminin saiasi sózdikke engizýge ábden bolady, dep xabarlaidy QazAqparat tilshisi.
«Shyny kerek, Elbasy Nursultan Nazarbaev týraly jazylǵan kitaptar barshylyq. Alaida Prezidentimizdiń batyl reformalardy iske asyrý salasyndaǵy kóshbasshylyq qasieti tolyǵymen ashylǵan joq. Nursultan Nazarbaevtyń bastamalary naqty eki basymdyqqa negizdelgen. Ol - innovatsiialyq baǵdar men evoliýtsiialyq qozǵalys. Dál osy eki element Qazaqstannyń jańǵyrý modelin tabysty túrde iske asyrýǵa kepil boldy. Al Memleket basshysynyń pragmatizmi naqty maqsattardy oryndaýǵa jeteledi», - dep atap aitty senator Darhan Káletaev QR Tuńǵysh Prezidenti kúnine arnalǵan xalyqaralyq parlamenttik konferentsiiada.
Depýtattyń aitýynsha, KSRO ydyraǵannan keiin Qazaqstandy jedel moderniatsiialaýǵa týra keldi. Burynǵy júie tiimsiz bolyp qaldy. Bárin jańadan bastaý kerek edi. Sol kezde Nursultan Nazarbaevtyń bastamasymen bir jaǵynan sheteldik texnologiialar jetkizilse, ekinshi jaǵynan burynǵy keńestik mamandar jańǵyrtý sharalaryna jumyldyryldy. Memleket basshysy sonyń bárin sheber uiymdastyra bildi.
«Bul - jańa qoǵamdy qurýdyń ámbebap úlgisi. Ony ǵylymi turǵyda jan-jaqty zerdeleý kerek. Bálkim, atalǵan tájiribe saiasi ǵylymdarǵa «Nazarbaev modeli» bolyp enedi. Osydan birneshe jyl buryn biz birqatar qoǵam qairatkerlerimen birge «Elbasy» atty mártebeni engizýdi usyndyq. Negizi, osynyń ózi elimizde ámbebap qoǵamdyq-saiasi institýttyń qalyptasqanyn kórsetse kerek. Sebebi ol «Elbasy» - Nursultan Nazarbaevtyń mártebesi ǵana emes, ulttyq jańǵyrtý jobasynyń basty faktory. Menińshe, Qazaqstannyń saiasi sózdigine «Elbasy» terminin engizý kerek. Ony ulttyq jańǵyrtýǵa negiz bolǵan ámbebap saiasi institýt retinde qarastyrǵan jón», - dep atap kórsetti depýtat Káletaev.
