© Sputnik / Vladislav Vodnev
Májilis depýtaty Erlan Saiyrov energetika kásiporyndaryn tehnikalyq aýditten ótkizip, jylý elektr ortalyqtarynyń ielerin jaýapqa tartýdy talap etti, dep habarlaidy Sputnik Qazaqstan.
Depýtattyń aitýynsha, energetika salasynyń basty problemasy – magistraldi jelilerdiń tozýy. Máselen, Ekibastuzda jeliler 91%-ǵa tozǵan. Al oligarhiialyq toptar Jylý elektr ortalyqtary men magistraldy jelilerdi jańǵyrtýǵa aqsha quiǵysy kelmeidi.
"Oligarhiialyq toptar bul obektilerdiń paidasyn súliktei soryp, endi problemany memleketke, halyqqa ilmekshi. "AMANAT" partiiasy halyqtyń muń-múddesi, árbir azamattyń jan tynyshtyǵy basty maqsat dep esepteidi! Sol sebepti Úkimet Prezident tapsyrmasy aiasynda myna máselelerge basa nazar aýdarýy qajet dep esepteimiz!", - dedi Saiyrov Májilis otyrysynda.
Birinshisi – energetika kásiporyndaryn tolyq tehnikalyq aýditten ótkizý.
Ekinshisi – Jylý elektr ortalyqtary, magistarldy qubyrlardyń tozý dárejesin anyqtap, halyqtan alynatyn tarifterdiń investitsiialyq bóliginiń qaida ketkenin anyqtaý.
Úshinshisi – Jylý elektr ortalyqtary men magistarldardyń tehnikalyq jaǵdaiy úshin kásiporyn aktsionerleriniń quqyqtyq jaýapkershiligin qarastyrý.
"2015-2022 jyldary jylý júielerine ártúrli memlekettik baǵdarlamalar arqyly 183 mlrd teńge bólingen. Osy somanyń qaida jáne qalai jumsalǵanyna tekseris júrgizý mańyzdy. Jalpy energetika salasyna, strategiialyq sala bolǵandyqtan, qoǵamdyq baqylaý ornatýǵa jan-jaqty kóńil bólý qajet", - dedi depýtat.
