Májilis depýtaty, halyqaralyq ister jáne qaýipsizdik komitetiniń tóraǵasy Muhtar Erman áskeri ýniversitetterde oqityn jastar arasynda qylmystyń jiileýine alańdady, dep habarlaidy Sputnik Qazaqstan tilshisi.
Májilis depýtaty qarýly kúshter qyzmetinde áskeri-patriottyq jumysqa, jastardyń áskeri qyzmetke daiyndyǵyna airyqsha mán berý kerektigin atap ótti.
"Bir problemalyq máselege toqtalǵym keledi. Áskeri ýniversittegi tárbie jumysynyń deńgeii jaqsy dep aita almaimyz. Bas áskeri prokýrordyń málimeti boiynsha, 2017 jyly 27 qylmys tirkelgen. Atap aitsaq, ýstavtan tys jaǵdai, paraqorlyq, tipti kýrsant óltirý de bar. 2018 jyly 3 qylmys tirkeldi. Osy problemaǵa erekshe nazar aýdarý qajet jáne ýniversitet basshylaryn tikelei jaýapkershilikke tartý kerek", —dedi Erman.
Depýtat qatardaǵy áskerlerdiń saiasi tárbie jumysynda qazirgi zamanǵa sai ádisterdi qoldanyp, kórshiles elderdiń tájiribesin úirenýdi usyndy.
"Osy rette kópfýnktsionaldy aqparattyq jyljymaly keshenniń tiimdiligi zor. Ol mýltmediialyq quraldarmen jabdyqtalǵan jáne dalalyq jerde áskeri qyzmetshiler arasynda mádeni kópshilik jumystar júrgizýge múmkindik beredi. Sarapshylardyń pikirinshe, joǵary tehnologiia dáýirinde dúniege kelgen jastardyń áskeri qyzmetine oń áserin tigizetini anyq", — dedi ol.
