Foto: parlam.kz
Májilis depýtaty Arman Qalyqov Qazaqstanǵa geologiia jáne jer qoinaýyn qorǵaý salalaryn damytýǵa jaýapty jańa ministrlik qajet ekenin aitty, - dep habarlaidy Massaget.kz portaly.
Májilismen Premer-Ministr Álihan Smaiylovqa joldaǵan depýtattyq saýalynda memlekettik organdar ken oryndaryna tiisti memlekettik baqylaýdy jáne olardy "halyq múddesi úshin" utymdy paidalanýdy qamtamasyz etýge tiis ekenin atap ótti.
"Qatty paidaly qazbalarǵa múddeli memlekettik organdar jer qoinaýyn naryq erkine jiberip, salany retteýden qaldy. (...) Qazir memlekettik baqylaý jer qoinaýyn paidalanýshy usynǵan eseptilik derekteri boiynsha ǵana júzege asyrylady", - dedi parlamentarii.
Onyń aitýynsha, paidaly qazbalar qorlarynyń sarqylý máseleleri erekshe nazar aýdarýdy qajet etedi.
Qalyqovtyń sózinshe, osy máselelerdiń barlyǵyn retteý úshin jeke vedomstvo qajet.
"Osyǵan bailanysty geologiialyq salany júieli damytý úshin jeke memlekettik organ - Geologiia jáne jer qoinaýyn qorǵaý ministrligin qurý durys siiaqty", - dep qosty májilismen.
Depýtat ministrlik perspektivaǵa jáne aǵymdaǵy úsh-bes jyldyq kezeńderge arnalǵan jer qoinaýyn zertteýdiń memlekettik baǵdarlamalaryn ázirleýge, mineraldyq-shikizat bazasyn tolyqtyrýdy qamtamasyz etýge tiis ekenin, bul óz kezeginde shikizat resýrstaryn igerýde memlekettik-jekeshelik áriptestikten barynsha ekonomikalyq tiimdilikke ákeletinin atap ótti.
