videodan alynǵan kadr
Májilis depýtaty Ermurat Bápi Astanadaǵy úshinshi Jylý elektr ortalyǵy on jyldan astam ýaqyt boiy salynyp kele jatqanyna nazar aýdardy. Depýtat qala turǵyndary qysta jylýsyz qalýy múmkin dep alańdaidy, dep habarlady Sputnik Qazaqstan.
"Meniń qolyma túsken málimetke qaraǵanda, Astanadaǵy úshinshi Jylý elektr ortalyǵynyń salynyp jatqanyna on tórtinshi jylǵa ketip bara jatyr. Munyń eń basty qyzyǵy mynada eken: jyl saiyn qurylystyń quny ósip bara jatyr. Alǵashynda 86 mlrd teńge degen qurylystyń quny 2022 jyly 122 milliard teńgege kóterilgen. Endi biyl taǵy da 54 mlrd teńgege baǵasyn kóterip otyr. Bul ne degen altyn qurylys ekenin men túsinbeimin", - dedi Bápi Astana ákimdiginiń ókiline.
Depýtattyń aitýynsha, qurylystyń qashan aiaqtalatyny da áli belgisiz.
"Osyǵan bailanysty meniń Astana qalasy ákimdigine suraǵym bar: biz biyl Almaty jaqtan, jyly jaqtan kóship keldik. Biyl qys qatty bolady degen joramal bar, osy biz qysta Astana halqymen birge qatyp qalmaimyz ba? Osynshama milliardtarǵa kim jaýap beredi, nege ol bóline beredi? Bul shyǵystar kimge júkteledi? Kim jaýap beredi? Jylý ortalyǵy biyl tapsyryla ma, tapsyrylmai ma?", - dep surady májilismen.
Astana qalasy ákiminiń orynbasary Nurlan Soltambekovtiń aitýynsha, qazir elordada jylý tapshylyǵy shamamen 440 Gkal quraidy. Biyl 100 mlrd teńgeden astam qarjylai qoldaýdyń arqasynda qarasha aiynda Jylý elektr ortalyǵynyń jylý bóligi iske qosylady.
"Qazir iske qosý jáne retteý, qysymyn tekserý jumystary júrip jatyr. Kezeń-kezeńmen iske qosylady. 1 qazanǵa deiin jalpy qýattylyǵy 220 Gkal eki qazandyq iske qosylady. Oǵan qosa biz eki joba – gaz jylý stantsiialaryn júzege asyryp jatyrmyz, olar sol jaǵalaýda ornalasqan. Jalpy qýattylyǵy shamamen 690 Gkal. Biyl, meniń oiymsha, qarasha aiynyń sońynda biz tapshylyqty ǵana jappai, profitsitke shyǵamyz. Iaǵni bul bizge eki-úsh jyl qosymsha jylý qýattylyǵyn beredi", - dep jaýap berdi Soltambekov.
Sondai-aq ol saraptamaǵa sáikes joba 53 mlrd teńgege emes, 23 mlrd teńgege qymbattaǵanyn atap ótti.
