QR Parlamenti Májilisiniń depýtaty Irina Smirnova «Eir Astana» ushaǵynyń bógelýine qatysty narazylyq bildirdi. Depýtat Feisbýktegi paraqshasynda «Air Astana» áýe kompaniiasynyń reisi 2,5 saǵatqa bógelgenin jazǵan.
«Air Astana. Servis múlde syn kótermeidi. Taǵy da reisti keri jyljytyp jatyr. 6.10-nan 6.55-ke qaldy. Áýejaiǵa kelgende ushý ýaqyty 8.00-ge aýysqanyn bildik. Reistiń bógelýi, keiinge qaldyrylýy «Eir Astana» úshin qalypty jaǵdaiǵa ainalyp keledi», - dep jazdy halyq qalaýlysy.
Ol sál keiinirek jeli qoldanýshylarynyń pikirine jazǵan jaýabynda áýejai keshigýdiń sebebin túsindirip, naqty qai ýaqytta ushyp shyǵatynyn aldyn ala málimdese degen oiyn bildirgen.
«Taǵy keshiktirildi. Endi 8.40-qa. «Eir Astana» qyzmet kórsetý sapasy boiynsha reistik avtobýsqa uqsap barady», - deidi ol.
Depýtattyń jazbasyna «Air Astana» AQ áleýmettik jeli boiynsha menedjeri Janna Badaýbaeva jaýap bergen.
«Reis tehnikalyq sebepterge bailanysty bógelgen. Keltirilgen yńǵaisyzdyqtar úshin keshirim suraimyn. Avialainerde tehnikalyq jumystar júrgizildi. Reistiń bógelýi barlyq áýe kompaniialarynda bolatyn jaǵdai. Birinshi orynǵa biz jolaýshylardyń qaýipsizdigin qoiamyz. Qaýipsizdik úshin reisti keiinge qaldyrýǵa týra keledi. «Eir Astana» kompaniiasynyń ýaqytpen jumysy álemdik kompaniialardyń deńgeiinde. Sizdiń hatyńyz kompaniianyń shaǵymmen jumys bólimine beriletin bolady», - dedi Janna Badaýbaeva.
Aita ketý kerek, depýtat munyń aldynda da «Eir Astana» kompaniiasynyń jumysyn synǵa alǵan bolatyn.
