قر پارلامەنتٸ مەجٸلٸسٸنٸڭ دەپۋتاتى يرينا سميرنوۆا «ەير استانا» ۇشاعىنىڭ بٶگەلۋٸنە قاتىستى نارازىلىق بٸلدٸردٸ. دەپۋتات فەيسبۋكتەگٸ پاراقشاسىندا «Air Astana» ەۋە كومپانيياسىنىڭ رەيسٸ 2,5 ساعاتقا بٶگەلگەنٸن جازعان.
«Air Astana. سەرۆيس مٷلدە سىن كٶتەرمەيدٸ. تاعى دا رەيستٸ كەرٸ جىلجىتىپ جاتىر. 6.10-نان 6.55-كە قالدى. ەۋەجايعا كەلگەندە ۇشۋ ۋاقىتى 8.00-گە اۋىسقانىن بٸلدٸك. رەيستٸڭ بٶگەلۋٸ, كەيٸنگە قالدىرىلۋى «ەير استانا» ٷشٸن قالىپتى جاعدايعا اينالىپ كەلەدٸ», - دەپ جازدى حالىق قالاۋلىسى.
ول سەل كەيٸنٸرەك جەلٸ قولدانۋشىلارىنىڭ پٸكٸرٸنە جازعان جاۋابىندا ەۋەجاي كەشٸگۋدٸڭ سەبەبٸن تٷسٸندٸرٸپ, ناقتى قاي ۋاقىتتا ۇشىپ شىعاتىنىن الدىن الا مەلٸمدەسە دەگەن ويىن بٸلدٸرگەن.
«تاعى كەشٸكتٸرٸلدٸ. ەندٸ 8.40-قا. «ەير استانا» قىزمەت كٶرسەتۋ ساپاسى بويىنشا رەيستٸك اۆتوبۋسقا ۇقساپ بارادى», - دەيدٸ ول.
دەپۋتاتتىڭ جازباسىنا «Air Astana» اق ەلەۋمەتتٸك جەلٸ بويىنشا مەنەدجەرٸ جاننا باداۋباەۆا جاۋاپ بەرگەن.
«رەيس تەحنيكالىق سەبەپتەرگە بايلانىستى بٶگەلگەن. كەلتٸرٸلگەن ىڭعايسىزدىقتار ٷشٸن كەشٸرٸم سۇرايمىن. اۆيالاينەردە تەحنيكالىق جۇمىستار جٷرگٸزٸلدٸ. رەيستٸڭ بٶگەلۋٸ بارلىق ەۋە كومپانييالارىندا بولاتىن جاعداي. بٸرٸنشٸ ورىنعا بٸز جولاۋشىلاردىڭ قاۋٸپسٸزدٸگٸن قويامىز. قاۋٸپسٸزدٸك ٷشٸن رەيستٸ كەيٸنگە قالدىرۋعا تۋرا كەلەدٸ. «ەير استانا» كومپانيياسىنىڭ ۋاقىتپەن جۇمىسى ەلەمدٸك كومپانييالاردىڭ دەڭگەيٸندە. سٸزدٸڭ حاتىڭىز كومپانييانىڭ شاعىممەن جۇمىس بٶلٸمٸنە بەرٸلەتٸن بولادى», - دەدٸ جاننا باداۋباەۆا.
ايتا كەتۋ كەرەك, دەپۋتات مۇنىڭ الدىندا دا «ەير استانا» كومپانيياسىنىڭ جۇمىسىن سىنعا العان بولاتىن.
