Qazaqstannyń depozitterge kepildik berý qory teńgelik depozitter boiynsha 2021 jyldyń maýsym aiyna usynylǵan eń joǵary syiaqy mólsherlemelerin bekitti, dep habarlaidy "Ult aqparat".
Qysqa merzimdi teńgelik depozitter boiynsha maksimaldy mólsherlemelerdiń kólemi Ulttyq banktiń bazalyq mólsherlemesine tikelei táýeldi. Al 2021 jyldyń sáýirinde bazalyq mólsherleme 9,0% deńgeiinde saqtaldy. Sondyqtan mundai depozitter boiynsha maksimaldy mólsherlemeler maýsym aiynda ózgermeidi.
12 jáne 24 ailyq merzimdi depozitter naryǵynda qandai da bir belsendilik bolmaǵandyqtan, olar boiynsha eń joǵary mólsherlemeler de burynǵy deńgeiinde saqtaldy.
Al Salymshylar úshin eń tartymdy salymdar jinaq salymdar bolyp qalýda. Óitkeni olar boiynsha tabystylyq joǵary deńgeide. Solardyń ishinde eń tanymaly – 1 jylǵa arnalǵan jinaq salymdar. Sol sebepten, olar boiynsha mólsherlemeler burynǵy deńgeiinde saqtaldy. Alaida naryqta 24 ailyq jinaq salymdar boiynsha naryqtyq mólsherlemelerdiń tómendeý sipaty saqtalýyna bailanysty bul salymdar boiynsha mólsherlemeler shamaly azaidy.
