قازاقستاننىڭ دەپوزيتتەرگە كەپٸلدٸك بەرۋ قورى تەڭگەلٸك دەپوزيتتەر بويىنشا 2021 جىلدىڭ ماۋسىم ايىنا ۇسىنىلعان ەڭ جوعارى سىياقى مٶلشەرلەمەلەرٸن بەكٸتتٸ, دەپ حابارلايدى "ۇلت اقپارات".
قىسقا مەرزٸمدٸ تەڭگەلٸك دەپوزيتتەر بويىنشا ماكسيمالدى مٶلشەرلەمەلەردٸڭ كٶلەمٸ ۇلتتىق بانكتٸڭ بازالىق مٶلشەرلەمەسٸنە تٸكەلەي تەۋەلدٸ. ال 2021 جىلدىڭ سەۋٸرٸندە بازالىق مٶلشەرلەمە 9,0% دەڭگەيٸندە ساقتالدى. سوندىقتان مۇنداي دەپوزيتتەر بويىنشا ماكسيمالدى مٶلشەرلەمەلەر ماۋسىم ايىندا ٶزگەرمەيدٸ.
12 جەنە 24 ايلىق مەرزٸمدٸ دەپوزيتتەر نارىعىندا قانداي دا بٸر بەلسەندٸلٸك بولماعاندىقتان, ولار بويىنشا ەڭ جوعارى مٶلشەرلەمەلەر دە بۇرىنعى دەڭگەيٸندە ساقتالدى.
ال سالىمشىلار ٷشٸن ەڭ تارتىمدى سالىمدار جيناق سالىمدار بولىپ قالۋدا. ٶيتكەنٸ ولار بويىنشا تابىستىلىق جوعارى دەڭگەيدە. سولاردىڭ ٸشٸندە ەڭ تانىمالى – 1 جىلعا ارنالعان جيناق سالىمدار. سول سەبەپتەن, ولار بويىنشا مٶلشەرلەمەلەر بۇرىنعى دەڭگەيٸندە ساقتالدى. الايدا نارىقتا 24 ايلىق جيناق سالىمدار بويىنشا نارىقتىق مٶلشەرلەمەلەردٸڭ تٶمەندەۋ سيپاتى ساقتالۋىنا بايلانىستى بۇل سالىمدار بويىنشا مٶلشەرلەمەلەر شامالى ازايدى.
