Qazaqstannyń depozitterge kepildik berý qory teńgelik depozitter boiynsha 2021 jyldyń qazan aiyna usynylǵan eń joǵary syiaqy mólsherlemelerin bekitti, dep habarlaidy QazAqparat.
Tolyqtyryp otyrýǵa bolatyn uzaq merzimdi depozitter boiynsha maksimaldy mólsherlemeler qaita qaralyp, ulǵaityldy. Bazalyq mólsherleme 10,4% boldy. Buǵan tolyqtyrý quqyǵynyń eseptik qunynyń ózgerýi sebep boldy. Osylaisha depozit naryǵynyń atalmysh segmentiniń merzimsiz salymdar aldyndaǵy artyqshylyǵy odan ári nyǵaiyp, tartymdylyǵy arta túsedi. Bul bankterdiń qor jasaýdy turaqty túrde arttyrýǵa yntalandyrýǵa septigin tigizedi jáne bul óz kezeginde ekonomikany uzaq merzimdi jáne naryqtyq turǵyda kredit berýmen qamtamasyz etýdi keńeitýge negiz bolady.
Merzimsiz salymdar boiynsha maksimaldy mólsherlemeler burynǵy deńgeide qaldy. Óitkeni bankterdiń kópshiligi olardy maksimaldy deńgeiden tómen mólsherlememen qabyldaýyn jalǵastyrýda.
Tolyqtyrýǵa bolmaityn basqa barlyq depozitter boiynsha mólsherlemeler eleýli naryqtyq faktorlar oryn almaǵandyqtan, qazan aiynda burynǵy deńgeiinde qaldyrylady.
