قازاقستاننىڭ دەپوزيتتەرگە كەپٸلدٸك بەرۋ قورى تەڭگەلٸك دەپوزيتتەر بويىنشا 2021 جىلدىڭ قازان ايىنا ۇسىنىلعان ەڭ جوعارى سىياقى مٶلشەرلەمەلەرٸن بەكٸتتٸ, دەپ حابارلايدى قازاقپارات.
تولىقتىرىپ وتىرۋعا بولاتىن ۇزاق مەرزٸمدٸ دەپوزيتتەر بويىنشا ماكسيمالدى مٶلشەرلەمەلەر قايتا قارالىپ, ۇلعايتىلدى. بازالىق مٶلشەرلەمە 10,4% بولدى. بۇعان تولىقتىرۋ قۇقىعىنىڭ ەسەپتٸك قۇنىنىڭ ٶزگەرۋٸ سەبەپ بولدى. وسىلايشا دەپوزيت نارىعىنىڭ اتالمىش سەگمەنتٸنٸڭ مەرزٸمسٸز سالىمدار الدىنداعى ارتىقشىلىعى ودان ەرٸ نىعايىپ, تارتىمدىلىعى ارتا تٷسەدٸ. بۇل بانكتەردٸڭ قور جاساۋدى تۇراقتى تٷردە ارتتىرۋعا ىنتالاندىرۋعا سەپتٸگٸن تيگٸزەدٸ جەنە بۇل ٶز كەزەگٸندە ەكونوميكانى ۇزاق مەرزٸمدٸ جەنە نارىقتىق تۇرعىدا كرەديت بەرۋمەن قامتاماسىز ەتۋدٸ كەڭەيتۋگە نەگٸز بولادى.
مەرزٸمسٸز سالىمدار بويىنشا ماكسيمالدى مٶلشەرلەمەلەر بۇرىنعى دەڭگەيدە قالدى. ٶيتكەنٸ بانكتەردٸڭ كٶپشٸلٸگٸ ولاردى ماكسيمالدى دەڭگەيدەن تٶمەن مٶلشەرلەمەمەن قابىلداۋىن جالعاستىرۋدا.
تولىقتىرۋعا بولمايتىن باسقا بارلىق دەپوزيتتەر بويىنشا مٶلشەرلەمەلەر ەلەۋلٸ نارىقتىق فاكتورلار ورىن الماعاندىقتان, قازان ايىندا بۇرىنعى دەڭگەيٸندە قالدىرىلادى.
