Densaýlyq saqtaý ministrligi plastikalyq hirýrgiia qyzmetin kórsetetin meditsinalyq uiymdarǵa qosymsha jospardan tys tekserýler júrgizýdi josparlap otyr, dep habarlaidy ult.kz.
Vedomstvonyń málimetinshe, memlekettik baqylaýdy kúsheitý maqsatynda bul bastama Qazaqstan Respýblikasynyń Bas prokýratýrasymen kelisilgen.
Tekserý barysynda zań talaptarynyń buzylǵany anyqtalǵan jaǵdaida, meditsinalyq uiymdarǵa qoldanystaǵy zańnamaǵa sáikes tiisti sharalar qabyldanady.
Ministrliktiń Meditsinalyq jáne farmatsevtikalyq baqylaý komitetiniń aýmaqtyq departamentteri 2021 jyldan beri plastikalyq hirýrgiia salasynda qyzmet kórsetetin meditsinalyq uiymdarǵa 92 jospardan tys tekserý júrgizgen. Azamattardyń meditsinalyq kómektiń sapasy men qaýipsizdigine qatysty shaǵymdarynyń kóbeiýine bailanysty tekserýlerdiń basym bóligi 2024 jyly ótkizilgen.
Baqylaý nátijesinde litsenziialyq talaptardyń, meditsinalyq kómekti uiymdastyrý standarttarynyń jáne meditsinalyq qujattamany júrgizý qaǵidalarynyń buzylǵany anyqtalǵan. Sondai-aq keibir klinikalardyń tiisti ruqsat qujattarynsyz qyzmet kórsetkeni belgili boldy.
Zań buzýshylyqtardy joiý maqsatynda meditsinalyq uiymdarǵa mindetti túrde oryndalýy tiis nusqamalar berilip, ákimshilik quqyq buzýshylyqtar boiynsha 24 hattama toltyryldy. Nátijesinde jalpy somasy 4,8 million teńge kóleminde aiyppul salynǵan.
Sonymen qatar komitet plastikalyq operatsiialardan keiin adam ólimine ákelgen jekelegen oqiǵalar boiynsha da jospardan tys tekserýler júrgizgen. Mundai jaǵdailar eń kóp Almaty, Astana qalalarynda jáne Mańǵystaý oblysynda tirkelgen. Tekserý materialdary protsestik sheshim qabyldaý úshin quqyq qorǵaý organdaryna joldanǵan.
Densaýlyq saqtaý ministrligi meditsinalyq kómektiń sapasy men qaýipsizdigin qamtamasyz etý, zań talaptarynyń saqtalýyn baqylaý jáne patsientterdiń quqyqtaryn qorǵaý baǵytyndaǵy memlekettik baqylaý jumystaryn jalǵastyratynyn málimdedi.
