دەنساۋلىق ساقتاۋ مينيسترلٸگٸ پلاستيكالىق حيرۋرگييا قىزمەتٸن كٶرسەتەتٸن مەديتسينالىق ۇيىمدارعا قوسىمشا جوسپاردان تىس تەكسەرۋلەر جٷرگٸزۋدٸ جوسپارلاپ وتىر, دەپ حابارلايدى ult.kz.
ۆەدومستۆونىڭ مەلٸمەتٸنشە, مەملەكەتتٸك باقىلاۋدى كٷشەيتۋ ماقساتىندا بۇل باستاما قازاقستان رەسپۋبليكاسىنىڭ باس پروكۋراتۋراسىمەن كەلٸسٸلگەن.
تەكسەرۋ بارىسىندا زاڭ تالاپتارىنىڭ بۇزىلعانى انىقتالعان جاعدايدا, مەديتسينالىق ۇيىمدارعا قولدانىستاعى زاڭناماعا سەيكەس تيٸستٸ شارالار قابىلدانادى.
مينيسترلٸكتٸڭ مەديتسينالىق جەنە فارماتسەۆتيكالىق باقىلاۋ كوميتەتٸنٸڭ اۋماقتىق دەپارتامەنتتەرٸ 2021 جىلدان بەرٸ پلاستيكالىق حيرۋرگييا سالاسىندا قىزمەت كٶرسەتەتٸن مەديتسينالىق ۇيىمدارعا 92 جوسپاردان تىس تەكسەرۋ جٷرگٸزگەن. ازاماتتاردىڭ مەديتسينالىق كٶمەكتٸڭ ساپاسى مەن قاۋٸپسٸزدٸگٸنە قاتىستى شاعىمدارىنىڭ كٶبەيۋٸنە بايلانىستى تەكسەرۋلەردٸڭ باسىم بٶلٸگٸ 2024 جىلى ٶتكٸزٸلگەن.
باقىلاۋ نەتيجەسٸندە ليتسەنزييالىق تالاپتاردىڭ, مەديتسينالىق كٶمەكتٸ ۇيىمداستىرۋ ستاندارتتارىنىڭ جەنە مەديتسينالىق قۇجاتتامانى جٷرگٸزۋ قاعيدالارىنىڭ بۇزىلعانى انىقتالعان. سونداي-اق كەيبٸر كلينيكالاردىڭ تيٸستٸ رۇقسات قۇجاتتارىنسىز قىزمەت كٶرسەتكەنٸ بەلگٸلٸ بولدى.
زاڭ بۇزۋشىلىقتاردى جويۋ ماقساتىندا مەديتسينالىق ۇيىمدارعا مٸندەتتٸ تٷردە ورىندالۋى تيٸس نۇسقامالار بەرٸلٸپ, ەكٸمشٸلٸك قۇقىق بۇزۋشىلىقتار بويىنشا 24 حاتتاما تولتىرىلدى. نەتيجەسٸندە جالپى سوماسى 4,8 ميلليون تەڭگە كٶلەمٸندە ايىپپۇل سالىنعان.
سونىمەن قاتار كوميتەت پلاستيكالىق وپەراتسييالاردان كەيٸن ادام ٶلٸمٸنە ەكەلگەن جەكەلەگەن وقيعالار بويىنشا دا جوسپاردان تىس تەكسەرۋلەر جٷرگٸزگەن. مۇنداي جاعدايلار ەڭ كٶپ الماتى, استانا قالالارىندا جەنە ماڭعىستاۋ وبلىسىندا تٸركەلگەن. تەكسەرۋ ماتەريالدارى پروتسەستٸك شەشٸم قابىلداۋ ٷشٸن قۇقىق قورعاۋ ورگاندارىنا جولدانعان.
دەنساۋلىق ساقتاۋ مينيسترلٸگٸ مەديتسينالىق كٶمەكتٸڭ ساپاسى مەن قاۋٸپسٸزدٸگٸن قامتاماسىز ەتۋ, زاڭ تالاپتارىنىڭ ساقتالۋىن باقىلاۋ جەنە پاتسيەنتتەردٸڭ قۇقىقتارىن قورعاۋ باعىتىنداعى مەملەكەتتٸك باقىلاۋ جۇمىستارىن جالعاستىراتىنىن مەلٸمدەدٸ.
