Densaýlyq saqtaý ministrligi men Eńbek jáne halyqty áleýmettik qorǵaý ministrliginiń aqparattyq júiesin biriktirý kerek. Bul týraly Ulttyq qoǵamdyq senim keńesiniń 5-otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Kelesi mańyzdy másele – múmkindigi shekteýli adamdarǵa barynsha qolaily jaǵdai jasaý. Eń aldymen, barlyq sanattaǵy múgedektikti anyqtaý rásimderin túbegeili jeńildetý kerek. Qazir kútimge muqtaj adamdardyń ózine tiesili áleýmettik qyzmetterdi paidalanýy óte qiyn. Olar onsyz da belgili nárseni dáleldeý úshin túrli keńseniń tabaldyryǵyn tozdyrýǵa májbúr. Tsifrlyq tehnologiialar men avtomattandyrý dáýirinde mundaiǵa jol berýge bolmaidy», - dedi Qazaqstan Prezidenti.
Sondyqtan Memleket basshysy jumys tásilin dereý ózgertý qajet
«Biryńǵai aqparattyq qor (baza) quryp, jurtqa yńǵaily ári jumys isteýge ońtaily júieni nege jasamasqa? Densaýlyq saqtaý ministrligi men Eńbek jáne halyqty áleýmettik qorǵaý ministrliginiń aqparattyq júielerin biriktirý kerek. Bul jumysty jedeldetý qajet. Azamattar ózderine qajetti qyzmettiń barlyǵyn bir ǵana meditsinalyq mekemeden alýǵa tiis. Osy jobany biylǵy 1 shildeden bastap synaq retinde, al 2022 jylǵy 1 qańtardan bastap tolyqqandy júzege asyrýdy tapsyramyn», - dedi Qazaqstan Prezidenti.
