2020 jyldyń tórtinshi toqsanynda densaýlyq saqtaý jáne áleýmettik qyzmet kórsetý salasyndaǵy kesimdi ortasha ailyq jalaqy 197,4 myń teńgeni quraǵan. Bul 2019 jyldyń osyndai kezeńimen salystyrǵanda 32,1 paiyz kóp bolyp, 2015 jyldan beri eń joǵary jyldyq ósim bolyp tabylady. Satyp alý qabiletiniń infliatsiiany qosa alǵanda naqty ósimi 23,1 paiyzdy quraǵan, dep habarlaidy ranking.kz saity.
Salystyrmaly túrde: jalpy alǵanda Qazaqstan Respýblikasy boiynsha ortashaailyq jalaqy 14,3 paiyzǵa, 233,1 myń teńgege deiin ósken (naqty ósim — 6,5 paiyz). Densaýlyq saqtaý jáne áleýmettik kómek kórsetý salasyndaǵy jalaqy ortasha eseppen alǵanda respýblika boiynsha jalaqydan 15 paiyz az.
QR Densaýlyq saqtaý ministrligi men Qazaqstandyq densaýlyq saqtaý qyzmetkerleriniń salalyq kásibi odaǵynyń arasynda ótken jyldyń basynda qol qoiylǵan kelisimge sáikes, 2020 jyldyń 1 qańtarynan bastap dárigerlerdiń jalaqysyn ortasha eseppen alǵanda 30 paiyzǵa jáne ortasha meditsinalyq qyzmetkerler jalaqysyn – 20 paiyzǵa ósirý josparlanǵan.
QR Eńbek jáne halyqty áleýmettik qorǵaý ministrliginiń resmi portalyndaǵy málimetterge sáikes, 2021-2023 jyldary áleýmettik sala qyzmetkerleriniń jalaqysyn eki ese: 2021 jyldyń 1 qańtarynan – 50 paiyzǵa, 2022 jyly – 25 paiyzǵa jáne 2023 jyly taǵy 25 paiyzǵa ósirý josparlanǵan.
