QR Densaýlyq saqtaý ministri Aleksei Tsoi eldegi densaýlyq saqtaý júiesiniń jańa syn-qaterlerge daiyndyǵy týraly aityp berdi, dep habarlaidy "Ult aqparat".
Ministrge «Úndi shtamynyń qaýipti ekenin eskersek, eldegi epidemiologiialyq jaǵdaidyń boljamy qandai?» degen suraq qoiyldy.
«Árine, biz boljaýmen ainalysamyz. Úndi shtamynyń elde qalai taralatynyn túsiný óte mańyzdy. Nur-Sultannan basqa Almatyda bul shtammnyń yqtimal belgileri paida boldy. Tipti bir jaǵdai anyqtaldy. Sinhrondaý negizinde biz el boiynsha keńirek kórinisti kóre alamyz. Jalpy densaýlyq saqtaý júiesi reaktsiia berý boiynsha qaita quryldy. Rezervtik tósek qoryn kem degende eki ese kóp ornalastyrýǵa bolady. Tósek-oryndar daiyn. Dárilik zattar qoimalarda úsh ailyq qorda bar, jeke qorǵanys quraldary da jetkilikti», - dedi Tsoi Ortalyq kommýnikatsiialar qyzmetinde tilshiler suraǵyna bergen jaýabynda.
Onyń aitýynsha, qazir Nur-Sultandy qospaǵanda, kóptegen óńirlerde jaǵdai turaqty, al elordada epidemiiaǵa qarsy is-sharalar júrgizilip jatyr.
