قر دەنساۋلىق ساقتاۋ مينيسترٸ الەكسەي تسوي ەلدەگٸ دەنساۋلىق ساقتاۋ جٷيەسٸنٸڭ جاڭا سىن-قاتەرلەرگە دايىندىعى تۋرالى ايتىپ بەردٸ, دەپ حابارلايدى "ۇلت اقپارات".
مينيسترگە «ٷندٸ شتامىنىڭ قاۋٸپتٸ ەكەنٸن ەسكەرسەك, ەلدەگٸ ەپيدەميولوگييالىق جاعدايدىڭ بولجامى قانداي?» دەگەن سۇراق قويىلدى.
«ەرينە, بٸز بولجاۋمەن اينالىسامىز. ٷندٸ شتامىنىڭ ەلدە قالاي تارالاتىنىن تٷسٸنۋ ٶتە ماڭىزدى. نۇر-سۇلتاننان باسقا الماتىدا بۇل شتاممنىڭ ىقتيمال بەلگٸلەرٸ پايدا بولدى. تٸپتٸ بٸر جاعداي انىقتالدى. سينحرونداۋ نەگٸزٸندە بٸز ەل بويىنشا كەڭٸرەك كٶرٸنٸستٸ كٶرە الامىز. جالپى دەنساۋلىق ساقتاۋ جٷيەسٸ رەاكتسييا بەرۋ بويىنشا قايتا قۇرىلدى. رەزەرۆتٸك تٶسەك قورىن كەم دەگەندە ەكٸ ەسە كٶپ ورنالاستىرۋعا بولادى. تٶسەك-ورىندار دايىن. دەرٸلٸك زاتتار قويمالاردا ٷش ايلىق قوردا بار, جەكە قورعانىس قۇرالدارى دا جەتكٸلٸكتٸ», - دەدٸ تسوي ورتالىق كوممۋنيكاتسييالار قىزمەتٸندە تٸلشٸلەر سۇراعىنا بەرگەن جاۋابىندا.
ونىڭ ايتۋىنشا, قازٸر نۇر-سۇلتاندى قوسپاعاندا, كٶپتەگەن ٶڭٸرلەردە جاعداي تۇراقتى, ال ەلوردادا ەپيدەميياعا قارسى ٸس-شارالار جٷرگٸزٸلٸپ جاتىر.
