QR Densaýlyq saqtaý vitse-ministri Kamaljan Nadyrov Shymkenttegi meditsinalyq saqtandyrý júiesine daiyndyq jumystarymen tanysty, dep habarlaidy "Ult aqparat".
Kamaljan Nadyrov QR Prezidenti Qasym-Jomart Toqaevtyń «Syndarly qoǵamdyq dialog - Qazaqstannyń turaqtylyǵy men órkendeýiniń negizi» Joldaýyndaǵy tapsyrmasyna sáikes atqarylyp jatqan jumystar barysyn saralap kórdi. Onkologiialyq ortalyqtaǵy emhananyń elektrondy qyzmetterimen jáne tsifrlandyrý júiesi boiynsha jumys isteý qarqynymen tanysty.
Munan soń qalalyq perinataldyq ortalyqqa at basyn buryp, sitýatsiialyq ortalyqtyń jumysyn kórdi. Atalǵan ortalyqtaǵy biryńǵai júie arqyly perzenthanadaǵy mamandar júktilikpen esepte turatyn áielderdiń densaýlyq jaǵdaiyn baqylap otyrady. Bul júie arqyly mamandar ana men bala ólimin azaityp, shuǵyl kómekti qajet etetin aiaǵy aýyr áielderge der kezinde meditsinalyq kómek kórsetpek.
Vitse-ministr sondai-aq, perzenthanadaǵy trening ortalyqqa bardy. Bul ortalyqta akýsher, ginekolog, neonatolog, reanimatolog syndy mamandar alǵashqy meditsinalyq qyzmet kórsetý boiynsha biliktiligin arttyrady. Trening ortalyǵynyń jumysyn vitse-ministr joǵary baǵalap, dáris beretin mamandarǵa sáttilik tiledi.
Sonymen qatar, Qamaljan Nadyrov jumys sapary barysynda №3 qalalyq emhanany aralady. Bul emhanada mamandar 100 paiyz tsifrlandyrý júiesi boiynsha halyqqa meditsinalyq qyzmet kórsetedi.
