Keshe Densaýlyq saqtaý vitse-ministri qyzmetinen bosatylǵan Kamaljan Nadyrovtan koronavirýs anyqtaldy, - dep habarlady QR Densaýlyq saqtaý ministri Eljan Birtanov Facebook paraqshasynda.
Densaýlyq saqtaý vitse-ministri qyzmetinen bosatylǵan Kamaljan Talǵatuly Nadyrovty Almaty qalasy Qoǵamdyq densaýlyq saqtaý basqarmasyna basshy etip taǵaiyndaý josparlanǵan.
«Almaty qalasynda koronavirýstyq infektsiia keńinen tarap, jaǵdai qiyndaǵan soń Qoǵamdyq densaýlyq saqtaý basqarmasynyń qazirgi basshysy Tileýhan Shildebaiuly Ábildaev otstavkaǵa ketý týraly ótinish bildirgen bolatyn. Qaladaǵy komandany kúsheitý maqsatynda basqarma basshysy laýazymyna K.T.Nadyrovty taǵaiyndaý josparlanǵan edi. Alaida, keshe keshkisin K.T.Nadyrovqa koronavirýstyq infektsiia juqtyrǵan degen diagnoz qoiyldy, qazir ol emdelý úshin aýrýhanaǵa jatty. Áriptesim Kamaljan Talǵatulynyń tez saýyǵyp ketýine tilektespin jáne qoldaý bildirimen! Osy jaǵdaiǵa bailanysty Almaty qalasy ákiminiń kelisimimen T.Sh.Ábildaevtyń otstavkaǵa ketý týraly ótinishi toqtatyldy» dep jazdy ol.
Jalpy, Almatydaǵy COVID-19 qatysty jaǵdai memleket jáne qala basshylyǵynyń erekshe baqylaýynda. Búgin tańǵy málimet boiynsha munda 678 adamnyń infektsiia juqtyrǵany anyqtaldy, skrining nátijesinde naýqastardyń jartysyna jýyǵy meditsina qyzmetkerleri ekeni belgili boldy. Ortalyq qalalyq klinikalyq aýrýhanadaǵy indettiń oshaǵy oqshaýlandyryldy, barlyq patsientter, koronavirýstyq infektsiia diagnozy rastalǵan qyzmetkerler qaladaǵy statsionarlarǵa ornalastyryldy jáne emdelýde. Atalǵan aýrýhananyń ǵimarattary tolyq dezinfektsiialanady, statsionar sodan keiin ǵana naýqastardy qabyldaýǵa kirisedi.
