Elimizde densaýlyq saqtaý salasynda eki ulttyq joba usynylady. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy QazAqparat.
«Densaýlyq saqtaý salasyndaǵy úlken synaqqa qaramastan, óńirlerdegi densaýlyq saqtaý basqarmasynyń basshylarynan azamattardyń densaýlyǵyn jaqsartý boiynsha shara qabyldaýdy suraimyn. Ministrlik densaýlyq saqtaý salasynda eki ulttyq joba usynady, olar problemalyq máselelerdi eskere otyryp ázirlenedi. Bul - densaýlyq saqtaý júiesin jáne otandyq farmatsevtikalyq ónerkásipti damytýdyń ulttyq jobasy. Olar jobalyq basqarý arqyly iske asyrylady»,- dedi Marat Shoranov ministrliktiń keńeitilgen alqa otyrysynda.
Onyń aitýynsha, ulttyq jobalardy ázirleý jónindegi jumys tobyn Densaýlyq saqtaý ministrligi biyl 5 naýryzǵa deiin aiaqtaýdy, 2021 jylǵy sáýirge deiin – múddeli memlekettik organdarmen kelisýdi jáne Premer-Ministr Keńsesine jiberýdi josparlap otyr. 1 maýsymǵa deiin Memleket basshysy salany damytý kontseptsiiasyn bekitedi, al 1 shildege deiin – Memleket basshysy ulttyq jobalardy qabyldaidy dep josparlanǵan.
2020 jylǵa arnalǵan memlekettik baǵdarlama 4 nysanaly indikatorǵa baǵyttalǵan. Bul: azamattardyń ortasha ómir súrý uzaqtyǵyn 73,21 jasqa deiin arttyrý, júrek-qan tamyry, onkologiialyq, sozylmaly respiratorlyq aýrýlardan jáne qant diabetinen mezgilsiz qaitys bolǵandar sanyn 18,86 paiyzǵa deiin tómendetý, ana ólimin 17,1-ge deiin azaitý, 1 myń tiri týǵanǵa shaqqandaǵy náreste ólimin 10,1-ge deiin tómendetý.
